Read East Ambae 1 JON 1 Bible Online

1 JON 1 - East Ambae bible

1 JON 1

¹A nomai leo ngaha gam reveie lawe gimiu huri na leoi mwasoana, nge hi u toga tuei lune a ure hatie tau mosigei. Gau rongoe gam lehe gena matamai lune gau lehe siu gam halovie gena limemai.

²Giniehi gam tau na leo hurie, gau laqagi hurie lawe gimiu huri na mwasoana hi vagi tuei u toga lobei Mama tomue, siu siseri ngaha i Mama mo haharaginie lawe gide dam lehe.

³A havagineu hi gau lehe ko gau rongoe, gam vevea lawe gimiu vage, huri ve igimiu vage nen bulu mei gamai lo nomai bubugiana mei Mama ko i netune Jisas Kraes.

⁴Gau reve na leo ngaha lawe gimiu ve igide doluegi da havu hevu gesegi.

⁵A leo ngaha gam rongoe dei netune gam veve hurie lawe gimiu vena “I God ingeie a leleo, a dodogi hatie lune vohogi.”

⁶Siu bataha igide vage dai veve ve dau bulu gatagale meie, nge lo tarogi hi dau dige lolo dodogi tau mosigei, dam kalikeli lo leoda ko lo doridoride vage.

⁷Tare ve igide dam dige lo leleo, mwere i God hi mo toga lo leleo, igide doluegi dain bulu bubugi lo burigi, gatagale. Ko a dai Jisas hi i netui God ingeie vin vei gide dain mwasara dena noda galegaleasi.

⁸Nge tare ve dam veve ve a noda galegaleasi hatie, dau keli gide siboda, a veve hogo hatie lude.

⁹Nge tare dam veve sere na bugude lawe God, dai ladohogo ginie huri ingeie a dorine u vovohoi tamwere. Huri ingeie vin lado vohogi na bugude huri vin vei gide dai mwasara dena doridoride hi rahe vovohoi tea.

¹⁰Nge tare ve dam veve ve igide dahe vai na asiana tea, mwerehi dai veve ve i God mo kalikeli. Mwerehi a leo noi God he eno tea lude vohogi.