Read East Ambae 2 JON 1 Bible Online

2 JON 1 - East Ambae bible

2 JON 1

¹A leo vevegarea mo vonai dena tomtomuegi gatagale, lawe na vavine hi i God u leo wahea ko ire netune. Ineu nau tabe gimiu doluegi lo hogo ko ira hine doluegi hi rau ilo na hogo ram tabe gimiu.

²Igamai gam tabe gimiu a vevenagi, a hogo hi mo toga lude ko vin toga mei gide vagi tuei.

³A hogogi, a hahagavi, ko a tamwata mo vonai dein God a mama ko i Netune i Jisas Kraes, vin eno mei gide lo hogo ko a tabetabe.

⁴Ineu nam havuhevu huri nam rongo ve i renetumiu lavasigi ram huri na matahalai hogo mwerehi i mama u hora gide.

⁵Ko siserigi ngaha, lawe na vavine dau tabea, nge ngaha hatie Leohora garaqa, nge a Leohora nge tau hi dau leie lo tavuigi. Ineu nam navuhi gimiu ve dain vui tabetabe gide gagatagalegi.

⁶A tabetabe a iloilogi huri ve dain toga vin huri na matahala mwerehi i God u hora gide ve dain toga vin hurie. Mwerehi neu rongoe lo tavuigi, a nona Leohora inge ngaha ve nein toga lo mwasoanai tabetabe.

⁷Ira huhui kalikeli u sao lolo ure bagataha, ingerehi rahe lado hogo tea ve i Jisas Kraes u himei lo tano lo tarabesi tangaloi. Ihine tea he lado hogo tea gina gineu ngaha, ingeie a huhui kalikeli, ko ingeie a tavului vuro noi Kraes.

⁸Igimiu nein leohuri sibomiu ve nein mese vagasalagi na gineu doluegi hi neu tabana gagarasi hurire, nge ve a gaitawe hi nein leie vin horo mangadi.

⁹Ihine tea mo vano vagivarea dena leo huhui noi Kraes ko he huri tuturedugi na nona leo huhui tea, i God he toga tea meie. Nge ihine tea mo huri tuturedugi na leo huhui noi Kraes, i Mama ko i Netui, ingere vunu rom toga meie.

¹⁰Tare ve ihine tea mo vonai lobemiu ko ingeie he hakovi na leo huhui ngaha tea, iniko goin mese lai vurugeginie sige ve goin mese laie talolo valemu.

¹¹Tare ve gom lai vurugegi na tangaloi mwerehi, iniko gom bulu lo tabanai galegaleasi.

¹²A gineu u sao meieu ve nain uli lawe gimiu, nge nahe tarani tea ve nain teure lo pepa mena inki. Giniehi, ineu nam ladotare ve nain vonatu lobemiu, nain laqa mei gimiu vovohoi lo nagomiu, huri igide vunu a loloda vin horo gina havuhevu.

¹³Ira netui haqemiu lui Kraes ram hora nora veve garea lawe gimiu.