Read East Ambae 3 JON 1 Bible Online

3 JON 1 - East Ambae bible

3 JON 1

¹Dena tamaragai gatagale. Lawe na noku buluana mwera tabe i Kaeas, hi nau tabea lo hogo.

²Noku buluana mwera tabe, ineu nau ilo huri ve a tamatemu mo mwaso vurugegi. Ko ineu nam tataro ve iniko goin mwaso vurugegi lo matahala doluegi, ko huri ve a tarabesimu vin huire.

³Ineu nau havuhevu u liu lune i retuada ko irehaqeda lavasigi rau vonai ram veve laweau huri na hogo ngehi mo toga lo mwasoamu. Ko ineu nau ilo huri ve iniko gom huri na matahalai hogo.

⁴Ineu nam lado tare ve nain lehi gimiu vin he ribi tea, ko nain laqa lawe gimiu nago lo nago.

⁵Noku buluana mwera tabe, u garea huri ve gon bului retuada ko irehaqeda ngerehi, hatie huri ingere a halavano.

⁶Ingere hi rau veve sere na nomu tabetabe lawe na warelue. Nam tiehigo ve goin buluire tuturedu mena nora turegi lo matahala u vovohoi mei God.

⁷Ram tauvuigi ram tabana mei Kraes ko rahe lai tea gineu dena tangaloi ngerehi rahe lado tea.

⁸Siu igide ve dain bului na sinobu ingere ngaha lune dam vaie mwerehi, dam bulu lo nora tabana huri na hogo.

⁹Ineu nau uli na leta lawe na sinobu talolo warelue. Nge i Diotreves vin he rorongtagi gamai tea. Nge gesegi mo lado huri ve u hahale garagara denire lavasigi.

¹⁰Nge tare nam vonatu, nain laqagi huri na havagineu ngehi Diotreves mo vaire, huri hi mo kalikeli wuraha ko mo veve asiesigi gide. Nge hage liu hi, he tarani tea ve vin lei retuada ko irehaqeda, mo tugorora vage hi ram tarani ve ran lai vurugeginire, ko mo tau vohoginire dena warelue.

¹¹Buluana mwera tabe, goin mese huri na havagineu hi u esi, goin huri na havagineu hi u garea. Ihine hi mo vai na gineu garea ingeie a bului God. Nge ihine hi mo vai na gineu esi, ingeie he ilo God tea.

¹²A tangaloi doluegi ram veve gareagi Demetrius, ko a hogo mo haharagi na havai hi ram vevea. Igamai gam gariginie vage, ko igimiu nem ilo ve a havai hi gam vevea a hogo.

¹³A gineu u sao meieu ngehi nam tarani ve nain veve sere lawe gimiu lo leta, nge nahe tarani tea ve nain uli gina pen mena inki.

¹⁴Ineu nam lado tare ve nain lehi gimiu vin he ribi tea, ko nain laqa lawe gimiu nago lo nago.

¹⁵A tamwata na toga lobemiu. Ira buluana tangaha ram hora nora veve garea lawe gimiu. Ineu nam navuhi gimiu ve nein bete na veve garea lawe na buluana gagatalegi tahi, nein veve na veve garea lawera gagatalegi, nago lo nagoi.