Read East Ambae A SERELUE LAWE JON 15 Bible Online

A SERELUE LAWE JON 15 - East Ambae bible

A SERELUE LAWE JON 15

¹Ineu nau lehi na gineu garigiana lo eulu, u lawua dau gerigi samweginie. Ineu nau lehi na engsel gaibitu mena gineu rau esi gaibitu. Ingere ngaha a gineu rau esi vagasigi, a vevenagi lo tagugi hi i God a nona lologagasi u rovo.

²Siu ineu nau lehi na gineu u mwere na tahi u leleo mwere na gelasi mo roge mena avi. Ineu nau lehi na sinobu hi, tomue rau qalo mena kakarue asi, mena nona nunui tarabesi gineu, ko mena tovoi henana. A sinobu ingere ngaha hi rau qoragi na vuro, ingere ram labe kakarani lobe na tahi hi mo leleo mwere na gelasi. Ingere ram hako na bulara bue uviuvi lo limara ngehi i God u bete lawera,

³ko ingere ram huri na ahi noi Mosis hi a tangaloi noi God ko a ahi noi Netui Sibsib, “Huqe God managi, gu vei na gineu lalawua ko a gineu garigiana. A gineu doluegi gu veire rau garea, ko a hogo, ko rau vovohoi vurugegi Iniko a Huqegi goro na vanue doluegi lolo ure.

⁴A sinobu doluegi rain lado mavaginigo Huqe ko rain ware roroa gina henamu. Huri iniko hogosie gu gogona. A vanue doluegi rain vanai ve rain hudu gorogo, a vevenagi ingere ram leo gina matara huri na gineu garea hi gu veire.”

⁵Lo tagugi hi ineu nau lehi na qetu utui vale hi lo eulu rau roa, a qetu utui vale hi u gogona garagara lolo valei God, ngehi a vale siusiu tomue.

⁶A engsel gaibitu ram wali na gineu rau esi gaibitu ram mwalue dena valei God hi. Ingere rau luqegi na luqe rau mwasara ko rau raka garagara, ko ram wasigi na wasi rau gihire lo gol lo mabure.

⁷Siu gatagale denire kakarue mwaso hi mo lai na laha hi gaibitu rau gihire lo gol, a laha ngerehi rau horo gina lologagasi noi God ngehi mo toga vagi tuei.

⁸A vale hi mo horo gina kukugi mo vanai dena varavara ko a managi noi God. Ihine tea vin ahu tea lolo valei God hi vin dadari lo tarogi hi a gineu esi nora engsel gaibitu hi rain rovo.