Read Eastern Krahn Matio' 1 Bible Online

Matio' 1 - Eastern Krahn bible

Matio' 1

¹'Cheh-dlu: :Yusu' 'Klae[1] 'wluh-a 'i, an-a' 'nyne :wor :dhe dih. :Yusu' no 'Keen :Debe' 'di-a' 'yu, 'de 'Keen :Debe' no 'Eble'hehn 'di-a' 'yu.

²'Eble'hehn 'wluh Ase', 'de Ase' 'wluh 'Jekor, 'de 'Jekor 'wluh 'Juda-: :korn or-a'a: 'de-di'-nyor⧾-kpalu⧾-:.

³'Juda: or-: 'wluh 'Pehleh-: :korn 'Zila-: :on :korn-a 'de 'dhu-a 'Tama-'. 'Pehleh :wor 'wluh 'Ehzola, 'de 'Ehzola 'wluh 'Wlaa,

⁴'de 'Wlaa 'wluh :Ami'nada, 'de :Ami'nada 'wluh 'Nasorn, 'de 'Nasorn 'wluh 'Samor.

⁵'De 'Samor 'wluh 'Bhoa :or :korn-a 'de 'dhu-a 'Wlea-'. 'Bhoa :wor 'wluh 'Obeh :or :korn-a 'de 'dhu-a :Wluu'-'. 'Obeh :wor 'wluh 'Jehsi.

⁶'De 'Jehsi 'wluh :Debe'. 'De :Debe' 'wluh :Salomor', :or :korn-a 'de 'dhu-a :Yulaya'-a'a: 'nynor :dee'.

⁷:Salomor' or-: 'wluh 'Wleobo'a, 'de 'Wleobo'a 'wluh :Aba'ya, 'de :Aba'ya 'wluh 'Esa.

⁸'Esa :wor 'wluh :Yea'safa, 'de :Yea'safa 'wluh 'Jorla, 'de 'Jorla 'wluh :Yuzaya'.

⁹'De :Yuzaya' 'wluh 'Jotan, 'de 'Jotan 'wluh 'Eya, 'de 'Eya 'wluh 'Ehzekaya'.

¹⁰'De 'Ehzekaya' 'wluh :Mana'sa. :Mana'sa :wor 'wluh 'Ama, 'de 'Ama 'wluh :Josaya'.

¹¹'De :Josaya' 'wluh :Jehkoni'a-: :korn or-a'a: 'de-di'-nyor⧾-kpalu⧾-: ti tuh kpon-uh-a, 'de on kpa-uh-a 'Babe'lor-bluhba ken.

¹²:Yee' :eh 'wluh-a 'o ti on kpa-uh-a 'gegeye-', 'de 'Babe'lor, 'do :wor :Jehkoni'a 'wluh-dih: :Sia'ti, 'de :Sia'ti 'wluh :Zowla'baba.

¹³'De :Zowla'baba 'wluh :Aba'yu, 'de :Aba'yu 'wluh :Ila'yaka, 'de :Ila'yaka 'wluh 'Ezor.

¹⁴'De 'Ezor 'wluh 'Zalor, 'de 'Zalor 'wluh 'Aken, 'de 'Aken 'wluh 'Ilayu.

¹⁵'De 'Ilayu 'wluh 'Ehlia'za, 'de 'Ehlia'za 'wluh 'Matan, 'de 'Matan 'wluh 'Jekor.

¹⁶'De 'Jekor 'wluh 'Joseh :or 'dhu-a :Mehle'-a'a: yibeor-'. :Mehle' :wor 'wluh :Yusu', an 'da-dih-a Nyorsoa-a' 'taan'-yu.

¹⁷:Yee' 'cheh-dlu⧾-a' klehkpeh 'wluh-a 'de 'Eble'hehn 'di, 'de :eh :yeh-dih:-a :Debe'-a' ti ken, on no 'cheh-dlu⧾-a' :bhue: 'yor :nyieh, :yee' deh tba 'o :Debe'-a' ti bo dih, 'de :eh :yeh-dih:-a ti tuh kpon-uh-a, 'de on 'ye-uh'-a 'Babe'lor-bluhba ken kpa, on no 'cheh-dlu⧾-a' :bhue: 'yor :nyieh, :yee' :eh 'wluh-a 'o ti on 'ye-a' 'gegeye 'wluh-dih: 'de 'Babe'lor, 'de :eh 'ye-a' Nyorsoa-a' 'taan'-yu-a' ti ken :yeh-dih:, on no 'cheh-dlu⧾-a' :bhue: 'yor :nyieh.

¹⁸'Ka-: :Yusu' 'Klae-a' 'wluhuh'-dhih no :aa mu-a'. :Mehle' :or 'wluh-or, or 'dhu-eh: 'sehn 'dlu 'Joseh 'ye-or' :korn. Jorwor: :yeh on 'ye-a' :dha :due' 'kpa, :yee' Gban 'i :ne :Zulu no-eh, 'de or :ne 'kwli-', 'de nyor⧾ 'di dih 'ma-dih: ka 'di.

¹⁹Deh no-eh, 'Joseh: :or 'dhu-or 'sehn 'dlu :dee', or no 'yi 'sleh-nyor:, 'de or :se-' 'bhorn or 'ye-eh' dih :wa-dih: 'do :gwlea, 'de or :ne-or' dhen :no-dih:, :yee' or na-dih-eh :gwluhuh' dih, or 'ye-or' dih 'tali: :weheh:.

²⁰:Yee' :yeh or 'si-a 'o deh :daa eh-a' :gwluhuh' dih :na-dih: 'da, :yeh or pobo-a 'o, :yee' :Gwlor :baa'-a' 'enjor :due', or-: :yi-dih-or 'dlu bo 'de 'nyinor-', 'de or 'dae: 'de or bo, 'Joseh:, :Debe'-a' 'yu, 'bor :an-a' :ple-' :fano. Kpa :Mehle' 'gbu bo, or 'ye :an-a'a: 'nynor no. Deh no-eh, 'yu :ne-a 'de or 'di, or 'wluh 'de Gban 'i :ne :Zulu bo.

²¹Nyor-kpalu-yu: 'o, or mu 'wluh-:, :yee' :an mu or-a' 'nyne :Yusu'[2] 'da-dih:. Deh no-eh, or mu or-a'a: nyor⧾ 'puh-dih: 'do 'kle 'ye-eh: on :korn on 'ye-a' 'ye :dee', 'do an-a' deh⧾-zon⧾-a' dhih bo.

²²Deh⧾-a' klehkpeh :daa, en :no-eh:-' 'de :Gwlor :baa'-a' wlu 'ye dhih 'jeh-' 'kpa, :ka or no-a eh-a' :za-a' see, :eh :yi-dih:-a or-a' wele-eh: :po-nyor-', or 'dae:,

²³:Gbee'e:. 'Nynor-kpao'-yu:, :or se-a nyor-kpalu-dhih yubo:, or-: mu 'kwli-' :ne, 'de or 'ye nyor-kpalu-yu 'wluh. :Yee' an mu or-a' 'nyne :Ima'yoeh 'da-dih:. (:Ima'yoeh-nyne: :daa, en :bleh-dih: 'i, Nyorsoa :ne 'o :a bo.)

²⁴:Yeh 'Joseh 'wluh-a 'nyinor-', :yee' or no :ka :Gwlor :baa'-a' 'enjor: :dao' 'da-a 'weh :kpeheh:, :yee' or kpa :Mehle' 'gbu bo 'weh, or 'ye or-a'a: 'nynor no.

²⁵Jorwor: or :se-or' deh-' :no-dih: :chio'lo: 'de or :za :gbano, or 'wluh nyor-kpalu-yu, 'de or 'da or-a' :Yusu'-nyne.