Read Eastern Krahn :Fele'pa-chlee-deh: 1 Bible Online

:Fele'pa-chlee-deh: 1 - Eastern Krahn bible

:Fele'pa-chlee-deh: 1

¹'Mor :Poror'-: 'dekorn: :Timehte'-: :a :mor no-a :Yusu' 'Klae-a' 'bhoi-nynuu, :a :mor 'ye a-a' klehkpeh :on 'dhu-a Nyorsoa-nyor:⧾ :on :korn-a 'de :Yusu' 'Klae bo 'de :Fele'pa-gwlor-: 'dekorn: a-a'a: 'chore-a' nyor⧾ :na-dih-nyor⧾-: 'dekorn: 'dikeh-boi'-:.

²Mla-: 'dekorn: wlu-' dih 'worn-eh-: 'do a bo, :en 'wluh-a 'de Nyorsoa :or no-a :a :Baa'-: 'dekorn: :Gwlor :baa' :Yusu' 'Klae bo.

³:Yee' 'an po 'an Nyorsoa-a' 'zio, 'do ti-a' klehkpeh bo, :mor 'on :na-dih: a-a' dhih :gwluhuh' dih.

⁴'Do ti-a' klehkpeh bo, :mor 'on :taa 'de Nyorsoa bo wlu, 'do a-a' klehkpeh-a' dhih bo, :yee' 'an wlu-' 'de 'mona: ka 'di.

⁵Deh no-eh, a 'kpa 'on-: bo, 'do Nyorsoa-a' tubo-wlu:⧾ 'jeh-a' :po-eh bo, :eh 'wluh-a 'de :zai'-we-eh bo, 'de :eh :yeh-dih:-a 'zean'-we-eh ken.

⁶Deh :due' 'on yubo:-a deh 'jeh, eh-: :dhe dih, Nyorsoa :or po-a 'o deh⧾ 'jeh ne 'do a :porluh⧾ ken, 'de :or 'dhu-eh glu, or mu-eh 'dlu bo :kpa, 'de or 'ye-eh' 'i gweh, 'de jorwor: 'we-eh: :Yusu' 'Klae-a mu-a 'de :ya, 'de eh 'ye 'o nyni.

⁷A-a' klehkpeh-a' dhih :ne 'o 'on :gwlii' 'weh. Eh-a' dhih, eh :nmor-: 'yi, 'on 'ye 'mona-' 'kpa, a-a' dhih. A-a' klehkpeh, a :za-dih: 'on-' 'weh 'do :koan: Nyorsoa 'nyi-a 'on, or-a' no-a' bo, :eh 'dhu-a, or-a' tubo-wlu:⧾ 'jeh-a' dhih ken dih zela-eh: en 'ye-a' dih ku, 'an :yeh :ne :kasue 'di, 'de mor 'an :yeh :se 'de :kasue 'di :ne.

⁸Nyorsoa yubo-eh' :ka 'an 'bhorn-a 'on 'ye-a a 'ye 'gabaa, 'de :ka :Yusu' 'Klae no-a a-a' :ybeh-a', 'ka-: 'o 'on no a-a' :ybeh-a' :ke.

⁹:Mor 'on :taa 'de Nyorsoa bo wlu, 'do a-a' dhih bo, :yee' 'an dhele-or-: dih, or 'ye-eh' no, a-a' :ybeh-dih-eh 'ye ken dih 'kpuhba:, 'do ti-a' klehkpeh bo. 'De a 'ye deh 'i yubo-eh-: 'dekorn: deh-' dih 'worn-eh-: 'ble,

¹⁰'de a 'ye 'de dhih 'di pobo-eh 'beh-dih:, a 'ye 'de 'yi 'sleh ne :za. :Mor eh :ne :ao', :yee' a mu :vlehehn'-' :gweh-nyor⧾ :no, 'de 'Klae :ne-' a dhih 'bhun 'ye-dih:, 'do 'we-eh: or mu-a 'de :ya 'di.

¹¹:Yusu' 'Klae, or-: mu-eh :no, a 'ye 'bi 'jeh ne :tlo 'do ti-a' klehkpeh bo, 'do Nyorsoa-a' dhih-a' 'i 'beh-a'-: 'dekorn: or-a' 'nyne-a' ya :po-eh-: bo.

¹²:Yee' 'an 'Klae :de-di'-boi'-a:, 'an 'bhorn a 'ye-eh' yubo:, deh⧾ :en yi-dih-a 'on ya dih :naa, me-: no-eh, 'de nyor⧾ :doru' po Nyorsoa-a' tubo-wlu:⧾ 'jeh dhih 'jeh-'.

¹³Deh⧾ :daa, me-: no-eh, 'de sorye'-a' klehkpeh :an 'dhu-a 'keen-a'a: 'sla 'yli-eh bo-: 'dekorn: nyor⧾-a' klehkpeh :on :sie:-a 'o-: on yubo-eh', deh 'an na-a 'Klae de, eh-: :korn dhih :oo', on po 'de 'on :kasue 'di.

¹⁴Deh 'on :ne-a 'noror :kasue 'di, eh-: no-eh, 'de 'an 'Klae :de-di'-boi'-a' :dha :dhulu' 'ble :gwluhuh' :ku-eh 'gabaa, 'de :Gwlor :baa'-a' deh 'di. Eh-: no-eh, 'de on ku :gwluhuh' 'gabaa, 'de :fano: :gweh 'o on :gwlii' dih, :mor on :taa Nyorsoa-a' tubo-wlu⧾ po.

¹⁵Keen' :mloror', nyor⧾ :noo', mo-: :an za 'Klae-a' dhih-', 'de :gwlehehn'-: 'dekorn: dih dhobo-eh-: 'di. Jorwor: nyor⧾ :noo', mo-: :an no-eh, 'de :ka 'jeh nor 'di.

¹⁶Nyor⧾ :daa, an no-eh', 'de 'an :ybeh-dih: ka 'di. Deh no-eh, on yubo-eh', :ka 'on :po-eh: 'o, 'do Nyorsoa-a' tubo-wlu:⧾ 'jeh-a' ken dih zela-eh bo.

¹⁷Jorwor: :yuh :an za-a 'Klae-a' dhih-', 'de :gwlehehn' ka 'di, an po-ih', on 'ye-ih deh 'ken 'ye 'do an-a' 'jeh bo. En :se 'de on 'di dih tba. Jorwor: an 'bhorn eh 'ye 'on 'kle 'ye-dih: 'noror :kasue 'di 'on :ne-a.

¹⁸Eh :se deh 'do 'on bo. Deh :eh 'pehn-dih:-a 'an :porluh dih, eh-: 'dhu, an po tubo-wlu:⧾ 'jeh :en kor-a 'Klae 'i 'weh, an-a' :yeh po-ih 'de :gwlehehn' :ka 'di-: :eh beh 'de :ka 'jeh 'di-:. Keen', 'an :porluh-a' dih 'pehn-eh mu 'dlu bo :mu :chio'lo:.

¹⁹Deh no-eh, 'on yubo-eh' :ka 'an mu-a :kasue 'di 'wluh-:. :Eh :korn dhih :oo' :eh? A bale 'o 'an dha 'weh, 'de :Yusu' 'Klae-a' :Zulu-a mu 'o 'on bo 'ma-: :ke.

²⁰Deh :eh :korn-a :gwie 'i 'an pobo-a 'gabaa, 'de 'on dhe-a :gwlii', eh-: 'dhu, 'on :se-' deh :no i, eh :se-' 'on dhen-' dih :po i klehkpeh klehkpeh. Jorwor: 'on :korn 'on 'ye :gwluhuh' :ku-eh: :doru' 'ble, 'on 'ye-eh' no, 'de 'an yau-a' klehkpeh 'ye 'Klae-a' 'nyne dhih-a' 'i 'beh-a' 'nyi, 'an :yeh :ne 'kmo, 'de mor 'an :yeh 'meh.

²¹'Do 'on bo, :mor 'on :ne 'kmo, :yee' 'on :ne-' 'kmo, 'on 'ye 'Klae :weheh' :za, 'de :mor 'on 'meh :ke, :yee' eh po 'o 'on deh.

²²:Mor 'on :gwle 'kmo-', :yee' 'an mu :koan: 'jeh :nor :no-eh 'dlu bo :kpa. Eh-a' dhih, 'meh-a'-: 'dekorn: 'kmo :ne-eh-: :yeh 'on 'ye-a 'o :za, 'on se-eh yubo:.

²³'On :ne 'o 'kpan-: gban-: 'nyne bo. 'An 'bhorn 'on 'ye 'kmo :daa dih 'tali:, 'de 'on 'ye 'de 'Klae bo :ne. Deh :daa, eh-: mu 'yi dih :nmor 'gabaa 'do 'on bo, :eh 'ye 'o 'kmo-' :ne-eh :zi.

²⁴Jorwor: 'do 'for :noror' ken, :mor eh 'dhu, a-a' dhih-', :yee' eh 'kpa deh ken, 'on 'ye 'kmo-' :ne, :eh :zi 'o 'on 'ye 'meh.

²⁵:Yee' :ka 'on yubo:-a deh :daa 'i deh 'jeh, :yee' 'on yubo-eh', :ka 'an mu-a 'kmo :ne-eh-a' 'dlu bo :kpa. :Yee' 'an mu a-a' klehkpeh bo 'kpa-:, 'de a-a' dhih 'jeh-' :po-eh-a' ku-a' 'ye 'dlu bo mu, 'de a 'ye 'mona no, 'de a-a' dhih 'jeh-' :po-eh 'di.

²⁶:Yee' :mor eh no :ao', 'de 'on 'ye 'o a bo :ne :neheh', :yee' a mu deh 'ble-: a 'ye a-a' 'jeh 'i 'beh-dih: :Yusu' 'Klae-a' dhih, 'do 'an dhih bo.

²⁷:Yee' deh :due' a 'ye-a' no, eh-: 'dhu, 'nyi a-a' 'kmo :ne-eh no-eh, 'de tubo-wlu:⧾ :en kor-a 'Klae 'i, en 'ye deh-' 'ye-eh:. :Yee' :mor eh no :ao', 'an :yeh beh :or 'yle, :or 'ye a-uh, 'de mor 'on 'ye a-a' 'nyne 'worn, ti 'on se a 'o :ne, :yee' 'an mu-eh yubo: :ka a :nyna-a dih deh 'jeh neh, 'de deh :due' 'di, 'de a vorn-dih-a :dha :due', a 'ye-a' dhih 'jeh-' :po-eh: :eh 'wluh-a 'de Nyorsoa-a' tubo-wlu:⧾ 'jeh bo, ken dih zela: deh 'jeh.

²⁸A-a' :ple-' nyor⧾ :an vorn a bo, an-a' :fano. Eh-: mu 'yi :to-dih-deh :no 'do on bo, :ka an mu-a gbe :zie:, 'de a mu-a 'puh-:. Nyorsoa :oo', or-: mu a 'puh-dih:.

²⁹Nyorsoa po a mla bo 'weh. Or-a' mla :dao', or :se 'Klae-a' dhih dhih 'jeh-' :po-eh :due', jorwor: 'kle-a' 'ye-a' 'do 'Klae-a' dhih bo, eh no mla :ke.

³⁰:Yee' :kana :naa, a-: 'mor-: :a vorn tuh :due', tuh-a' 'jeh :dao', :on a 'ye-a 'on, 'on vorn-a :zai', :on :korn-a 'nyne a 'worn-a :naa, mo-: 'o, 'an vorn 'gboror:.