Read Eastern Krahn 3 :Jororn' 1 Bible Online

3 :Jororn' 1 - Eastern Krahn bible

3 :Jororn' 1

¹'Mor :or 'dhu-a 'chore-a' nyor :klaba'-', 'mor 'ye :on, 'an :dhih :kma-nyor: 'Geyeh:, :mor 'on :ybeh-a deh 'jeh neh.

²'An :dhih :kma-nyor:, 'an dhele Nyorsoa-: dih :chio'lo:, 'de deh⧾-a' klehkpeh 'ye 'yi dih :nmor 'do :on bo. :Yee' :ka :on no-a dih ku-a' 'de Nyorsoa-deh 'di, 'de :an-a' yau 'ye :ao' 'sa 'sa :ne-eh no :ke.

³'On 'kpa-' 'mona: 'gabaa, ti :a-a'a: 'Klae :de-di'-boi' :noo' 'wluh-a 'de :on bo, 'de on :ya-a: 'de :an-a' 'nyne 'jeh ne, :ka :an no-a 'de 'kpih :po-eh 'do dhih-a' 'yor-eh: :en kor-a Nyorsoa 'i, en-' dhih bo-: 'dekorn: :ka :an no-a en-' 'dlu bo :kpa-eh-:.

⁴Eh se deh :korn, :eh 'ye-a 'on 'mona-' po, :eh 'ye-a 'an-a: 'nynuu-a' dhih-a' 'yor-eh-a' 'dlu bo :kpa-eh-a' dhih, 'on 'worn-a-' :zi.

⁵:Yee' 'an :dhih :kma-nyor:, :on no :dhehehn-nyor:, 'do :koan: :an no-a 'do :an-a' 'Klae :de-di'-boi' bo, or-a' dhih, keen' :mloror', on no 'duhba:⧾. :On se-uh yubo:.

⁶:Yee' nyor⧾ :dao', :on 'wluh-a 'de :on bo, on 'tmo :an-a' nyor⧾-' :ybeh-eh-a' dhih 'weh, 'do 'chore-nyor⧾ ybei', dha :a bo. Eh mu 'yi dih :nmor, :on 'ye-uh' son bo po, on 'ye :gwie 'i 'kpa :neheh', 'de Nyorsoa-a' :porluh-a' dih 'pehn ka 'di.

⁷Deh no-eh, :gwie: :daa on :ne-a 'i, on 'kpa-eh-: 'i, :Yusu'-a' 'nyne-a' deh⧾-' dih :kpa-eh-a' dhih, 'de mor an-a' 'worn, an-a' kpon deh dih, 'de se Nyorsoa yubo-nyor⧾ 'kwa.

⁸'Do eh-a' dha, :a :mor no-a Nyorsoa-nyor⧾, :a :mor :korn :or 'ye eh :bo-nyor:⧾ :dao' :za-dih:, 'de :a 'ye :koan :dha :due' :no-dih-nyor⧾-' 'dhu-eh:, 'do dhih-a' 'yor-eh: :en kor-a Nyorsoa 'i, en-' dhih bo.

⁹'On 'chle 'chore 'chlee-deh bo. Jorwor: :Dayo'tifa: :or zlo-dih-a or-a' 'jeh nyor :klaba' 'de 'chore-', or-: :se-' deh 'an za-a-' :dou'⧾ bo :to.

¹⁰:Yee' :mor 'on 'yle, 'an mu deh⧾-a' klehkpeh or no-a 'blo :za, deh⧾ :sano:⧾ or za-dih-a :a 'bhun dih-: 'dekorn: sih or 'tmo-dih:-a :a dih-:. 'De mor or :se 'o :sie-dih:. Or-a' 'jeh 'bor 'Klae :de-di'-boi'-a' :gwie 'i :za-eh 'weh. 'De or po nyor⧾ :an 'bhorn-a an-a' :gwie 'i :za-eh, 'borboa' 'i. 'De or po-uh 'zorn, or za-uh 'de 'chore.

¹¹'An :dhih :kma-nyor:, :an-a' :zi 'o deh⧾-zon:⧾ nyor⧾-a no-a klei'. Jorwor: deh⧾ 'jeh :ne, me-: :on 'ye 'o klei' zi. Nyor-beh: :or no-a deh⧾ 'jeh, :yee' or :korn 'de Nyorsoa bo. Nyor-beh: :or no-a deh⧾-zon⧾, :yee' or 'see Nyorsoa 'ye.

¹²Nyor⧾-a' klehkpeh, an 'tmo :Dimi'tlor-a' 'nyne 'jeh. 'De or-a' kplen 'jeh or no-a, me-: po or-a' kuna' 'jeh. 'De :a 'tmo or-a' 'nyne 'jeh :ke. 'De mor :on yubo-eh', :ka deh :a za-a-', eh no-a dhih-a' 'yor-eh.

¹³:Yee' 'on 'ble deh⧾ :dhulu', 'on 'ye :on :gwluhuh' zela:. Jorwor: 'on :se-' 'bhorn, 'on 'ye-ih' :on bo 'chle.

¹⁴Jorwor: 'on dhe-eh-: :gwlii', 'on :se 'o :gwle i, 'on 'ye :on 'ye, 'de :a 'ye ybei' dih dhele:, :a 'ye :manua bla.

¹⁵:Porluh-a' dih 'pehn-eh: 'do :on bo. :On 'bei' :ne-a 'noror, on 'da, mo-: 'ye :on. 'Mor 'ye 'on 'bei'-a' klehkpeh o. 'Da an-a' 'nyne-a' :due' :due' o.