Read Eastern Krahn Wlehvolesiehn' 11 Bible Online

Wlehvolesiehn' 11 - Eastern Krahn bible

Wlehvolesiehn' 11

¹:Yee' :yeh eh no :ao', :yee' tu :on gweh-a deh nyor⧾-a yba-dih-a deh, mo-: on 'nyi 'on, 'de Nyorsoa zela: 'on :gwluhuh', or 'da, :Yba-dih: 'an 'sla-: 'dekorn: 'an 'slaa ken :za-dih-deh-: 'de :on 'ye nyor⧾ :an za-a 'an :weheh' 'do mor zlo.

²Jorwor: :an-a' :yba-dih:-' 'noror gba-dih-gba 'di ka, :or :ne-a 'sla 'de dih. Deh no-eh, 'de 'nyi-eh: se Nyorsoa yubo-nyor⧾. An mu :Julu'slehn: :or no-a gban 'i :ne gwlor wlu 'ken :korn 'do zon⧾ taan 'chuh⧾ :meheh'lo 'di.

³'De or 'da :neheh', 'An mu 'an nyor⧾ 'sororn' :daa :an zela 'an dhih ken dih, 'kpih 'nyi-: on 'ye 'an wele-eh po 'do zon⧾ taan 'chuh⧾ :meheh'lo 'di. An mu 'munu :tiei-' :pa.

⁴Nyor⧾ 'sororn' :daa, mo-: :nyna 'o 'orle-tu:⧾ :en :ne-a 'sororn'-: 'dekorn: 'nape⧾ :or :ne-a 'sororn'-: en-' 'gor bo dih, :en :nyna-a 'o :Gwlor :baa' :or :korn-a 'bluhba-a' klehkpeh wlu 'ken ybei' dih.

⁵:Yee' :mor nyor :taa an-a' deh :tba-eh 'bhorn, :yee' neh 'wluh 'de on 'worn, eh-: 'dba nyor⧾ :dao' :on 'nyeh-uh'-a. :Yee' nyor :or mu-a an-a' deh :tba-eh 'bhorn-:, 'ka-: or :korn or 'ye 'meh-a' no.

⁶On 'ble 'kpih on 'ye 'ni 'i kan 'de eh :sor dba, 'do 'we an mu-a Nyorsoa-a' wele-eh :po-dih: 'di. 'De on 'ble 'kpih 'do 'ni 'dlu, eh 'ye nyomor-' :za-dih:. 'De on 'ble 'kpih on 'ye 'de 'kle 'ye-eh: 'doror: 'dor :ya dha yao 'zorn. Ti :yih an 'bhorn-a eh 'ye-a' :no-dih-eh:, me-: eh mu :no-dih-eh.

⁷:Yee' :mor on gweh Nyorsoa-a' wele-eh: :po-eh 'i, :yee' worn :kma-deh: :eh 'wluh-a 'de 'bie' :dhorno' :eh se-a :sie: 'da :korn 'di, eh mu-uh bo :vorn, eh 'ye-uh' gla :za, 'de eh 'ye-uh' 'dba.

⁸An-a' 'meheh'-ku⧾-a mu dih 'pemeh: 'do 'kpa :gwie 'i 'do 'kwi :gwlor :klaba' :dao' 'di, :or :korn-a 'di on :kor-dih:-a an-a' :Gwlor :baa' tu 'i. :Gwlor :daa, on 'dhu-dih-or sa-nyne: :en 'dhu-a 'Salor-gwlor-: 'dekorn: 'Iye-bluhba-:.

⁹:Yee' 'we taan gbor :tile:, me-: nyor⧾ :on 'wluh-a 'dawor'⧾-dlu⧾-: :bai' 'di dih-: wlu⧾ 'doror: 'dor :po-nyor⧾-: 'dekorn: 'bluhba⧾-dlu⧾-: en-' klehkpeh ken dih, me-: on 'ye-dih: an-a' 'meheh'-ku⧾ dih :ye-dihih:. 'De nyor⧾ :dao', on :se-' 'worn, nyor⧾ 'ye Nyorsoa-a' wele-eh: :po-nyor:⧾ :dao' dih nma-dih:.

¹⁰:Yee' nyor⧾ :on 'ti-a dha 'bluhba ken, an-a' :porluh⧾-a mu 'ni worn dih :yi, on 'ye gor 'dhu, on 'ye dele: 'do nyor⧾ 'sororn' :daa, an-a' 'meheh'-deh bo. :Yee' an mu on 'bei' deh⧾ 'kor-dih:. Deh no-eh, Nyorsoa-a' wele-eh: :po-nyor⧾ 'sororn' :daa, :on :ya-a: 'de 'kle 'ye-eh: 'gabaa 'do :gwlor-nyor:⧾ :on :ne-a dha 'bluhba ken bo, on 'meh-'.

¹¹Jorwor: :yeh 'we taan gbor :tile zi-a, :yee' Nyorsoa po-uh :febeh' 'di de :neheh'. 'De on :sorn-', on :nyna dih. :Yee' :fano-a: no nyor⧾ :on 'ye-uh-a 'gabaa.

¹²:Yee' nyor⧾ 'sororn' :dao', on 'worn wlu, mo-: 'wluh 'de Nyorsoa 'bli yai', mo-: 'da 'de on bo, A yi 'ya. :Yeh nyor⧾ :on 'nyeh-uh'-a, an pobo-a 'o, :yee' on 'kpa 'de 'ni-kpan⧾ 'nyne-', 'de on mu 'de Nyorsoa 'bli yai'.

¹³:Yee' 'do :dha :due' :dao', :yee' 'bluhba-a tleh-' 'gabaa. 'De 'kwi :gwlor :dao', :mor 'gbu⧾ :bhue :ne :gluun'-for bo, :yee' 'gbu :due' 'wluh 'o mo-: blu. :Yeh 'bluhba-a tleh-a, :yee' nyor⧾-a' 'wlu :meheh' 'sorn, mo-: 'meh. 'De nyor⧾ :yuh :sie:-a 'o, :on se-a 'meh, :fano 'kpa 'de on 'di, 'de an 'nyi Nyorsoa :or :ne-a 'de yai' dhih-a' 'i 'beh-a'.

¹⁴:Yee' :wehlih-deh-a' 'sororn' neh zi-'. Jorwor: taan neh :se 'o :gwle i, eh 'ye 'de yi.

¹⁵:Yee' 'enjor-nyor⧾-a' :meheh' 'sorn nor 'on 'ye-a, or bla or-a'a: :gamu 'weh. :Yee' wlu⧾, me-: 'wor 'de Nyorsoa 'bli yai', :en 'da, :A-a' :Gwlor :baa'-: 'dekorn: or-a' 'taan'-yu-: mo-: 'kpih :en :korn-a 'bluhba: :daa wlu 'ken :korn 'de bo :naa. 'De mor an mu-or wlu 'ken :korn :ka ti-a mu-a 'dlu-' :tehn klehkpeh klehkpeh.

¹⁶:Yee' nyor⧾ :klaba'⧾-a' :kwlaa 'sororn' 'yor :nyieh :dao' :on :dhe-a dih 'do an-a'a: 'keen :kpala'⧾ ken 'do Nyorsoa ybei', on 'jli-: dih 'do or 'zorn, 'de an za or-a' :weheh',

¹⁷an no, :Gwlor :baa' Nyorsoa :or 'ble-a 'kpih-a' klehkpeh kwa, :or :ne-a :chio'lo:, 'de :or :ne-a :naa, :a po :an-a' 'zio, :mor :or no-a :an-a' 'kpih :klaba'⧾ :dao', 'de :or 'dhu-a :an-a' nyor⧾ wlu 'ken :korn-eh glu :naa.

¹⁸Nyor⧾ :on se-a :on yubo:, on 'kpa-' 'chehn. 'De mor :an-a' 'chehn-a' ti nyni 'o 'weh, :on 'ye 'meheh'-nyor⧾-a' zabe zi. 'De :on 'ye :an-a'a: 'bhoi-nynuu: :an po-a :an-a' wele-eh, geli' :za, 'dekorn: :an-a' nyor⧾-a' klehkpeh :an za-a :on :weheh'-: :on 'dhu-a 'nyne :korn-nyor⧾-: 'dekorn: :yuh nyor⧾ se-a yubo:-:. Ti nyni 'o 'weh :on 'ye nyor⧾ :an 'kor-dih-a 'bluhba gbe :zie-dih:.

¹⁹:Yeh on no :ao', :yee' 'on 'ye Nyorsoa-a' 'sla :or :ne-a 'de or 'bli yai', or kan-dih: worn. 'De 'on 'ye kuo :gbloron' 'de mor. :Yee' dhehn-a chleh-' 'yli, 'de eh 'pona-' dih, 'de 'bluhba-a tleh. 'De :chehbe' :kpuan'⧾ :kolu'⧾ :kolu'⧾-a dba dha mor.