Read Eastern Krahn Wlehvolesiehn' 12 Bible Online

Wlehvolesiehn' 12 - Eastern Krahn bible

Wlehvolesiehn' 12

¹:Yee' nyor⧾ 'di dih 'ma-dih-deh: :kolu' nyor⧾ 'see-a 'ye :zai', eh-: :to-dih-eh: 'on 'i 'de yao. 'Nynor :due', or-: pa 'yluh-', :eh gweh-a :ka nyor pa 'wla-'. 'De or kor 'chuh buh⧾ ken dih. :Yee' 'keen :gblaa' on :no-dih:-a 'chuh :dhlaen-a' :bhue: 'yor 'sororn', or-: or 'dhu 'dlu.

²Or :ne-' 'kwli, 'de or po 'geh⧾, deh no-eh, or yi :gbano: :za 'da.

³:Yee' nyor⧾ 'di dih 'ma-dih-deh: :neheh', eh-: :to-dih-eh: 'on 'i 'de yao. Dorsehn: :zaehn :due' :eh kolo:-a, eh-: 'on 'ye, :eh 'ble-a 'dlu⧾ :meheh' 'sorn-: 'dekorn: 'gbon⧾ :bhue-:. 'De eh-a' 'dlu⧾ :ne-a :meheh' 'sorn, en 'ble 'keen :gblaa' :due' :due' 'do en 'dlu.

⁴Eh-a' 'jeh :dao', eh-a' gon, mo-: eh no, 'de eh :za 'chuh :dhlaen: yai', :en :ne-a 'de yai', :mor eh 'dhu en-' 'dlu⧾-kpor⧾ :ne taan, :yee' eh :za 'o 'dlu-kpor :due', 'de eh po-ih 'zorn dha 'bluhba ken. 'De eh :nyna 'o 'nynor :or yi-a :gbano: :za 'da ybei' dih, eh 'ye 'yu :or mu-a 'wluh-: di, 'do :dha :due' :dao'.

⁵'De 'nynor :dao', or 'wluh nyor-kpalu-yu: :or mu-a nene-eh-dhun 'ble-: :or 'ye-a 'bluhba⧾-dlu⧾-a' klehkpeh wlu 'ken :korn. Jorwor: Nyorsoa no-eh' 'de 'yu :dao', or :kpa-eh: yai' 'de or-a' 'keen :kpala' bo.

⁶:Yee' :yeh eh no :ao', :yee' 'nynor :dao', or ple-', or mu 'de :bhehneh'-bluhba ken 'do :dha Nyorsoa po-a 'kpa 'do or bo, or 'ye-a 'o bo dih pobo-eh: 'do zon⧾ taan 'chuh⧾ :meheh'lo 'di.

⁷:Yee' tuh 'kpa 'zorn 'de Nyorsoa 'bli yai'. 'Enjor: :klaba' an 'da-dih-a Makor'-: 'dekorn: :yuh :on :ne-a 'o or 'zorn-: mo-: vorn dorsehn: :dao' bo. 'De eh-a'a: :weheh' :za-deh⧾-a vorn on bo :ke.

⁸Jorwor: Makor'-: 'dekorn: 'enjor-nyor:⧾ :on :ne-a 'o or 'zorn-: on du dorsehn-: 'dekorn: eh-a'a: :weheh' :za-deh⧾-: 'weh. :Yee' en se :dhe-da :korn 'de Nyorsoa 'bli yai' :neheh'.

⁹'De dorsehn: :klaba' :dao', eh 'vile-eh: 'noror 'zorn, :eh no-a sehn :soa: :eh :ne-a :chio'lo:, an 'da-dih-a 'ku-: 'dekorn: 'Setorn-: :an bo-dih-a 'bluhba-a' klehkpeh dih. Mo-: an-a'a: :weheh' :za-deh⧾-: on 'vile-eh: 'noror yao 'zorn.

¹⁰:Yee' 'on 'worn wlu, mo-: 'wor 'de Nyorsoa 'bli yai', on 'da, :A-a' Nyorsoa-a mu or-a' nyor⧾ 'puh-dih: :naa. 'De or mu 'kpih :no, or 'ye nyor⧾ wlu 'ken :korn :ka 'keen-a no-a. Or-a' 'taan'-yu-a mu or-a' 'kpih 'bluhba 'i :to-dih: :naa. Deh no-eh, 'ku :se 'o Nyorsoa ybei' dih :nyna i, 'de on :se-' :a 'bei' 'bhoi-nynuu dhih 'dlu :po i 'gwie-: :glaa'e-: :neheh'. 'Ku :po-eh: 'zorn, on 'wluh 'de Nyorsoa 'bli yai' 'weh.

¹¹'Blae'-yu: :dao', or-a' nyomor-: 'dekorn: Nyorsoa-a' tubo-wlu⧾ :a 'bei' :dao', on po-a-: me-: on no, 'de on du 'ku. 'De on 'worn-dih-eh ken dih, on 'ye an-a' :febeh' 'kwla :za :sloror', on 'ye 'meh.

¹²:Yee' eh-a' dhih, a-a' klehkpeh :or :ne-a 'de Nyorsoa 'bli yai', a no 'mona. Jorwor: eh no :wehlih-deh: 'do nyor⧾ :on :ne-a dha 'bluhba-: 'dekorn: yobo'-: ken. Deh no-eh, 'ku 'vile-eh:-' 'de on bo. 'De 'chehn 'yi 'de 'ku 'di dih 'gabaa. Deh no-eh, on yubo-eh' :ka ti :en :sie:-a 'o 'do on bo, en se-a 'i :dhie:.

¹³:Yee' :yeh dorsehn: :dao' eh yubo-eh 'i :ka eh 'vile-eh 'noror yao 'zorn, :yee' eh no 'nynor :dao' :or 'wluh-a nyor-kpalu-yu: :dao' dih, eh 'ye-or' kpon.

¹⁴Jorwor: Nyorsoa 'nyi-or :kpabuh'⧾ 'sororn' :en :korn-a 'be :jili' :klaba' 'ble-a, or 'ye wan, or 'ye sehn :dao' 'zorn 'wluh, or 'ye 'de :bhehneh'-bluhba ken mu, 'do :dha an mu-or 'yli-eh bo 'dhu-dih: 'do zon⧾ taan 'chuh⧾ :meheh'lo 'di.

¹⁵:Yeh 'nynor ple-a, :yee' 'ni :eh 'wluh-a 'de dorsehn 'worn, :eh gweh-a 'ni :klaba', eh-: eh dbo-or ken dih, eh 'ye-or' kpa.

¹⁶Jorwor: :yee' 'bluhba yi-: 'de, or 'ye 'nynor-' :za-dih:. 'De 'bie' :kolu' kan-dih: worn 'do 'bluhba ken, 'de 'ni-a' klehkpeh :eh 'wluh-a 'de eh 'worn, eh pa glu 'de mor.

¹⁷:Yee' eh 'kpa-dih: 'nynor-' 'chehn. 'De eh kpa tuh 'do or-a'a: 'nynuu :yuh :sie:-a 'o bo, :yuh :an dhe-a 'o Nyorsoa-a' 'tele' dih, 'de :an kpon-a dhih-a' 'yor-eh: :Yusu' :to-dih-uh-a 'i dih.

¹⁸'De dorsehn: :dao', eh :nyna 'o yobo'-a' :bhehneh'-dhu ken dih.