Read Ekari RUM 5 Bible Online

RUM 5 - Ekari bible

RUM 5

¹Inii maakodo gaidaiga maa nigajawijake inii Ugatame ma muka-muka kodo, e boko te boko nijaduwa-tai me Jesus Keristus kidiidaiga.

²Kou jikoo bokoutouda kodaa inii topeida kiija inii okai maidaiga wadoujo kai; tijake Ugatameja ajiipi bokouto dimi kotopijawijake ideide tai.

³Kodeja kou to ko beu, inii gaagaa duba ideide maija, gaagaa kodaa kegepa mijaanimakai mejawii kojoka gajake.

⁴Tijake kegepa animakai kodaa bo niwejawii, daana bo wejawii kodaa dimi kotopijawii ewaa awii;

⁵daana dimi kotopijawijake ko ego nijamejawii beu, Ugatameja ipa bokouto kodo iniija kegepa duba nijakumijawita kouja, inii niimijawita Rohulkudus kodoudaiga.

⁶Inii kogaagije ti-toojogo gaa kodaa peu bagee maida make Keristus nijabokata, putu gaa kodaa.

⁷Enaa bagee maida make me te jabokai tita. Kigeena wageena juwa enaa bagee maida make me jabokai ko uu.

⁸Kodeja Ugatameja ipa bokouto kodo inii maida make nimuwakita kou ko, inii peu bagee toojogo gaa kodaa Keristus inii maida make nijabokata kouja.

⁹Okai kouja, okaija emo kodaa maa nigajawijake umina kodaa okai maidaiga Ugatameja emoge dimi maida make nipipikajawii.

¹⁰Inii Ugatame ma jape toojogo gaa kodaa Jokame bokata manaidaiga dagi nijaduwajawi-toojogo ko, umina kodaa dagi nijaduwajawijake ko okaija ajii bokouto kodaa ajii nitijawii.

¹¹Kou to ko beu, kodeja inii Ugatame maida ideide, iniija Tuhan Jesus Keristus kidi maidaiga, dagi nijaduwajawita me kidi.

¹²Okai kouja me idaana maidaiga peu agijo makiida mejake peu maida make kouja bokai mei kodo danite, bokai kou ko me utoma kedeepa wo gameta, me utoma peu kei tei tita kouja;

¹³dijo douja mana kodo menijawii beu gaa kodaa peu agijo makiida tou, kodeja dijo douja mana beuda kodaa peu kodo jadokijawii beu.

¹⁴Kou ko kou kodeja bokai kodo Adam wagiida make Musa wagiida to petee, Adamja peu kei tita danite peu kei tai ben bagee maida. Adam kidi ki meitagi ka kidi ebijaabija.

¹⁵Ojaa niimita agijo kou ko dijo beebu kodo dani bukaa ko beu. Me idaana ka dijo beebu kodo maida make me wedaba boka-toojogo ko, umina kodaa Ugatameja jikoo bokouto kodaa; daana me idaana Jesus Keristus kidi jikoo bokouto ka ojaa niimija agijo kodaa, me wedaba maida make abuma kidaa.

¹⁶Daana ojaa nimita agijo kou ko me idaana kidi peu kei tita ka mejawita mana kodo dani bukaa ko beu. Dijo beebu ena ko boko petajawijake peu awii mejawii kouja, kodeja ojaa niimita agijo kou ko peu wedaba wadouto maa neewiine nijamejawii.

¹⁷Me idaana ka peu maida make kouja kii me ida kidiidaiga bokai kou ko petee ki-toojogo ko, umina kodaa jikoo bokouto abuma, daana ojaa niimita ka maakodo bokouto kodo gomotita bagee kede ajii bokoutoudaiga petee kai, me idaana Jesus Keristus kidiidaiga.

¹⁸Kojoka peu ena ka to me utoma peu eewii kodo danite, me idaana ka enaaa kei tai agijo maida make me utoma maa eewijake ajii ti-menii.

¹⁹Me idaana ka dijo beebu kodo maida make me wedaba peu ejaikita kodo danite, me idaana ka juwidoke tita maida make kouja me wedaba maa eewii.

²⁰Peu kodo abuma awiine tijake dijo douja mana kodo ewaa awita; kodeja peu abuma kidaa titaida kodaa jikoo bokouto kodo umina abuma kidaa.

²¹Tijake peu kodo bokai maida make petee kodo danite, jikoo bokouto kodo maakodo bokoutoudaiga petee kai, ajii tai doodouga Jesus Keristus kidiidaiga, e boko te boko nijaduwatai me kidi.