Read Ekari 1 KORINTUS 5 Bible Online

1 KORINTUS 5 - Ekari bible

1 KORINTUS 5

¹Beu maa kou, ikii jupi mogai topa mana ewaida wegaigai; kou ko, maakodo te gai bagee jupi te toja mana, me idaana nakame ka waka kodo utoopa wo uwe mana kou.

²Daana ikii ke akaato ibo gaate! Beu, mee? didi gaduwai ko enaa, kei teetegi me kidi ikii jupi make epodomijawe-tijake.

³Ani ikeepa tou beu kodeja anija roh kodo ikii ma tojake ani na tota dani tijake kei teetegi me kidi ani boko japetaatega.

⁴Iniija Tuhan Jesus kidi ekaidaiga, ikii anija roh ma enaimo, daana iniija Tuhan Jesus bidaidaiga ma,

⁵kii me kidi Teegeepa eekegajawii, okaija má jato kodo peu awe-tita; kou danite Tuhan Jesusja putu naagouda kodaa dimi mana ajii te-tita.

⁶Ikii akaato kobidoke teete mana kodo peu. Ikii ewo, mee? ejajawe-tai agijo mijo gaa to kipi maija, kemo puki ejajawija.

⁷Doga ka ejajawii agijo kodo emigimakai, ikii ija kemouto ke-tita, ikii maakidi ejajawii beu kodo danite. Iniija wadouga etigajake petii tita naago ka domba, Keristus kidi, nijawagita kouja.

⁸Okai kouja dijo needowei, doga ka ejajawii agijo ma ko beu, kou ko peu dimi gai ko beu, daana peu kei taine ko beu; kodeja ejajawii beudaiga, kou ko doodoo kegepaidaiga, daana maakodo bokoudaiga.

⁹Anija kapogeije duba kijaebijaatega mana kodo, mogai jago bagee ma enaida takadega te te-tijake.

¹⁰Kii no te: kii makiida ka mogai jago bagee juwa, kibigi ga-tai bagee juwa, bokome-tai juwa, utoopa migaakobe te-tai juwa, kei ke beu. Kou danite kii makiidaapa make podomai beu kai peu kodaa.

¹¹Kodeja anija kiteetega kodo, me idaana ikii keneka eebatitoojogo takadega te tai; kou danite mogai juwa, kibigi ga-tai juwa, utoopa migaakobe te-tai juwa, me eduwa-tai juwa, utaadijo uneune juwa, bokome-tai juwa, kou kei tipi ko okai ma oonai ma beu.

¹²Ani má takaida juwouda ka bagee boko japetai? Beu, mee? maakodo gai uguupuguu duba ka bagee ikiija boko japetaja kodo.

¹³Ugatame kidaa juwouda ka bagee boko japetai. Kii peu me kidi ikii jupi make epodomijawii.