Read Ekari 2 KORINTUS 4 Bible Online

2 KORINTUS 4 - Ekari bible

2 KORINTUS 4

¹Okai kouja inii Ugatameja ipa dimiidaiga kii ekowa-tai agijo kii ke jaki-tope kouja inii odoo kai beu.

²Inii ego gaja ka gabo manaido jamo jaikidokii; inii puja eukai juwa, Ugatameja mana akabetoke tijawii juwa, ko beu; kodeja maakodo mana ewaida wegajake meido ka dimi duba inii akaato epi awii, Ugatame pekaida.

³Kou danite iniija ajii mana kou ko apumijawi-toojogo ko, peu kaine bageepa apumidoke tita.

⁴Kii makiida ka ibo kidaa maakodo gai beu bagee ka kegepa bunita jaawita, tijake ajii mana aweida kou ko, kii ke Keristus kidi, Ugatameja ajá kidi ajiipi kodo domakai beu.

⁵Inii akaato mana wegai beu kouja, kodeja Keristus Jesus, e boko te boko duwa-tai me kidi, daana Jesus maida make inii ke kijakei te-tai bagee.

⁶Aweida kodo bunita duba ganii mana wegata me kidaa iniija kegepa duba aweida nijaganimakai, Ugatameja ajiipi epi kai aweida kodo Keristus ebepeka maida.

⁷Kodeja kou jegeenaka mana ko inii maki tapujaida awimakita, wo etige ka bida bokouto kodo epauto ko Ugatame kidi ewaida ke-tijake, inii kedeepa make ko beu.

⁸Inii utoma takaidaiga duwaa-duwaa nitijawii kodeja gakowagidaa beu. Inii gaagaa kodeja dimi kotopijawijake duwai beu.

⁹Peepu nitijawita kodeja, ti nijaikai; nakuu nitijawii kodeja umina peu kai beu.

¹⁰Jesusja bokai mana kodo inii kede má maida kii kidi gaduwagoo to tai, kou danite iniija má duba Jesus ajii tai mana kodo maija ewaida ke-tita.

¹¹Inii ija topeija kei ke boka maida neekegajawita Jesus maida make, Jesus ajii tai mana kou ko iniija peu kaine má maida ewaida ke-tita.

¹²Okai kou danite bokai mana kou ko inii duba kei te-wo, kodeja ajii tai mana ko ikii duba.

¹³Kou maakodo gai dimi kodo inii duba maija tojake kojoka, kapogeije ebijamakita danite: Ani maakodo gata kouja mana wegai. Okai kou dani inii maija maakodo gajake kou wegai.

¹⁴Tuhan Jesus eenigojawita me kidaa inii na Jesus ma enaimo neenigojawiitagi gajake, daana ikii ma enaimo okai jumaapa nibukaitagi.

¹⁵Kou utoma ikii maida make, me wedaba kedeepa jikoo bokouto abuma ke-wo tijake nigajaweege dimi ajaago te-tita, Ugatame muta etuwai jatouga.

¹⁶Okai kouja inii odoo kai beu; inii tapo jato ko peu keete kodeja, tugo jato ko naago gakita ija neewii to tigoo.

¹⁷Iniija mijo gaa to etaa ka gaduwai kodaa ajiipi imo to togoo wegai ma peu nijakei tijaweete kodo.

¹⁸Inii ke douja agijo wo te domakai kouja, kodeja te douja agijo wo domakai; douja agijo kodo kedaa to kouja, kodeja te douja agijoudo kodo imo to togoo.