Read Ekari GALATIA 5 Bible Online

GALATIA 5 - Ekari bible

GALATIA 5

¹Pipikai manaida kodaa Keristus nipipikajawita; okai kouja pigu atijake wijaagouda bida peu kijakimakita bagee te kai.

²Ani ki Paulus kidaa kitii, ikii iniitodo kiduwa-toojogo ko, Keristus kidi ikeepa epa beu ejaikai.

³Iniitodo duwai bagee me gakita ani etii, okai Musaja dijo douja mana puki kodo dijo domakai beu kai peu.

⁴Ikii Musaja dijo douja mana kodaa maa kaine bagee kede Keristus maida make akawude tita; ikii jikoo bokouto maida make podomita.

⁵Roh maidaiga, maakodo gajake, inii dimi ekotopijawita ka maakodo bokouto kodo doutou.

⁶Keristus Jesus duba iniitodo duwai juwa, iniitodo duwai beu juwa, epa beu to, kodeja maakodo gai kodo ipa dimiidaiga ekowa-motii.

⁷Ikii enaa ekowa-moteetega. Meija wo kigojawijake ikii maakodo mana kodo te juwe?

⁸Ikii ejuweete kou ko mana kitita me kidi epauto ko beu.

⁹Ejajawii agijo mijo gaa to kemo puki kodo ejajawii.

¹⁰Ani ikii maida make Tuhan maida epaapa timakai, ikii ino ka mana te gaita. Kodeja wegedege kiteete me kidi, okai meime kipi gaa maija, okaija ka peu kodo dokiitagi.

¹¹Tijake ani ki, noogeimaido, iniitodo duwai mana wuditoojogo ko, magijo ka peepu natai? Kou dani tijake pija boko kodo ego gai mana kodo beu kai.

¹²Ikiija dimi kodo wegedege kitai bagee kede akaato duwakumii enaa!

¹³Ikii pipikai manaida mana kitita, ei, noogeimaido, kodeja pipikai manaidaiga me ijeida utoopa te kei tai; kodeja ipa dimiidaiga akaadade tai.

¹⁴Musaja dijo douja mana kodo mana mutoona duba to duwamotita; kou ko: Aki akaato kidi danite aki watija bagee ipa egai.

¹⁵Kodeja ikii akaduwa ma, akawedege ma kodo gai, ikii kede umina peu akaate na kojoka.

¹⁶Kodeja ani kitii, Roh maidaiga ume-wo; tijake ikii me ijeida kibigi dimiido te kei tijawiita.

¹⁷Me ijeida ka gaja dimi kodaa Roh ma akaije kouja; daana Roh ka gaja dimi kodaa me ijeida ma akaije; okejai wija akaije akaije, tijake ikiija gaja agijo te kei timakija.

¹⁸Kodeja ikii Roh ka migougu kijamaki-toojogo ko, ikii Musaja dijo douja mana maida beu.

¹⁹Me ijeidaiga kei tai manaido ko ewaida; kou ko: mogai, peu dimi, kikija epauto,

²⁰utoopa migaakobe, kego tai, me be egai, akaije, boko egepumai, emoge, akaato to dimi, akawude, ibo puga,

²¹digi edokai, utaadijo uneune, utoopa wo uwe, daana kou dani daniido ko. Ani kitii, mijaato kiteetega danite, kou agijoudo kei te-tai bagee kede Ugatameja jakimakita makiida didee te motiitai.

²²Kodeja Roh kodaa gojawii uta kou ko ipa, ideide, muka-muka, kegepa animakai, jikoo, enaa agijo, enanaa,

²³debee kegepa, akaato munimakai; kei manaido maida dá mana tou beu.

²⁴Keristus Jesus ipuwe bagee kede me ijee kodo pija boko maida edajawita, kibigi dimi ma, gaja dimi ma.

²⁵Inii Roh maida tope ko, Roh maidaiga ume-wo neetiwei.

²⁶Nadodowei dimi te neegai; emogaago akaate te tai; daana digi akadoke te tai.