Read Ekari EPESUS 3 Bible Online

EPESUS 3 - Ekari bible

EPESUS 3

¹Okai kou maida make kouja ani ki Paulus kidi, Keristus Jesus maida make bida peu nagadimimakita me kidi ikii ojaa bagee maida make;

²Ugatameja jikoo bokouto kodo wo ekowai mana naimita ikii maida make ikii juweetega.

³Tijake boone-boone mana kodo ewaida naawita, ani pini manaida ugapa kodo danite.

⁴Ikii kou kodo kapogeije ebatijake ani Keristusja boone-boone mana gamakeetega kodo ikii gaita.

⁵Tika kodaa me jokaija kedeepa ewaida jaawii beu tita, ito kou Rohdaiga jimubeu eti-awitaido ma, mana wude-tai ma kedeepa ewaida jaawita kodo danite;

⁶kou ko, ojaa bagee kede enaimo oogowai, daana má ena to ka tineido kede, daana Keristus Jesus dubaiga togijawita manaida ena didee go-motii, ajii manaidaiga.

⁷Ani ki ajii mana kei te-tai me najaikita, Ugatameja jikoo bokouto naduwajake; jikoo bokouto kodo ojaa to, okaija bida agijo kei tijake naimita.

⁸Ani ki jimubeu bagee utoma jupi daba puki kidija, kou jikoo bokouto naduwajawita, ani Keristusja wegai ma peu ugo uweuwe mana kodo ojaa bageepa jawude-tita;

⁹daana boone-boone mana kei te-wo mana kodo utoma bageepa boko peta-mene-tita, tika kodaa make Ugatame duba boonita mana kodo; e ugai te ugai ugajawita me kidi.

¹⁰Maakodo gai uguupuguu maidaiga Ugatameja dimi boko bokouja kodo epi eewe-tita, epaawado ka etimake-tai ma, bida agijoudo ma kodoopa;

¹¹okaija ka imo to togoo ka dimi epeepeidaiga, Keristus Jesus duba boko duwajawita; okai ki e boko te boko nijaduwa-tai kidi.

¹²Okai dubaiga inii uu peu kidi gajake, dimi kotopijawiidaiga Ugatameepa jawii, Jesus maakodo egajake kouja.

¹³Okai kouja ani kidiimai, ani ikii maida make gaduwa-tai kodo gaagaa te tai; kou ko ikiija ka ajiipi agijo kodo.

¹⁴Okai kouja ani bado donimakijake Naitai kidiipa kijaediimai;

¹⁵utoma bagee epaawado beu, makiida beu, eka eebatai epauto ko okai kidi;

¹⁶okaija ka ugo uweuwe ajiipi bokouto epeepeidaiga Roh maidaiga ikii tugo jato kodo umina bida bokouto ka bida keewe-tijake;

¹⁷daana maakodo gaidaiga Keristus kidi ikiija kegepa duba animake-tijake; ikii kede ipa manaida gadi mani mijo wejawijake bo wedaa timakijake

¹⁸utoma jimubeu bagee ma enaimo gamake-tita, ibo tabagaa peijo, epa ko kaija, imo ko kaija;

¹⁹daana Keristusja ipa bokouto kodo gamake-tita, epi ketagouto wo etige mana kodo; Ugatameja bokouto kodo boko kijaduwajawe-tijake.

²⁰Inii ediimai juwa, gai juwa, wo etige kei tijawe-tijake bida jago me kidiipa, inii duba kei tijaweete ka bida agijo kodaa;

²¹kii kidiipa ajiipi agijo ewaa ke-wo, maakodo gai uguupuguu maidaiga, daana Keristus Jesus maidaiga, kii kidi imo to togoo. Amin.