Read Ekari EPESUS 5 Bible Online

EPESUS 5 - Ekari bible

EPESUS 5

¹Okai kouja ikii Ugatame ijeidaiga wo eepei, ipa egata jokaane kede danite.

²Ikii ipa dimiidaiga ume-wo, Keristus kidaa ipa kigata kidi danite, tijake inii maida make akaato ekegajawita, Ugatameepa unu enaa agijo ekega-menii danite.

³Kodeja mogai juwa, utoopa wo uwe juwa, kibigi dimi juwa, mana to kipi maija te wegai; jimubeu bagee kede kou dani ka mana te wegaja.

⁴Kou dani maija nokii mana juwa, epa beu mana juwa, ebaabaa juwa, te kei tija manaido kodo; kodeja nigajaweege mana kodo godajawii.

⁵Gaadowei: mogai jago bagee juwa, utoopa wo uwe juwa, kibigi ga-wo juwa, kii ke utoopa migaakobe tai kidi, kei dani bagee kede Keristus ma Ugatame ma jakimakita makiida kodaa okei didee te motii.

⁶Me ka wogidaa manaidaiga puja ti kiukai; okai kou manaido kodaa Ugatameja emoge dimi kodo te juwe bagee maida jamejawii.

⁷Kei bagee ma te ookei tijawii.

⁸Ikii mijaato bunita kodeja ito kou Tuhan duba aweida kita; aweida ka jokaane danite ume-wo.

⁹Aweida ka gojawii uta kou ko enaa mana ma, maakodo mana ma.

¹⁰Daana Tuhanja juma dege-dege etai agijo gaado tai.

¹¹Epa beu ka bunita duba kei tai manaido te ookei tijawijake kegei-kegei etai;

¹²okei gaboudaiga kei tai agijoudo kodo mana wegai to kipa maija ego gaja.

¹³Kegei-kegei etai manaido kodo aweida ka ewaida awii; ewaida agijo kodo aweida kouja.

¹⁴Okai kouja ugata mana kodo: Anigodou, uno umipe me, Bokata bagee jupi make anigodou, Tijake Keristus kidi kaganimakaipagi.

¹⁵Okai kouja ikiija ka ume-wo kodo gai; dimi beu bagee dani ko beu kodeja dimi jago bagee dani.

¹⁶Kei tija gaa aadaba te tijawii, kii gaa ki peu gaa kouja.

¹⁷Dimi beu te kijake Tuhanja dimi kodo gamakai.

¹⁸Utaadijo kodo maida make uneune te tai, me peu kai mana kodo; kodeja Rohulkudus edidaa tijake tai.

¹⁹Ikii kede akaate tai mana kodo ugaa ma, ebetaataa manaidaiga Tuhan muta etuwai ma, ajii mana ebetaataa ma, kegepa puki ka Tuhan muta etuwaate ka ebetaataa tai manaido ko.

²⁰Utoma agijo maida make utoma wagiida Tuhan Jesus Keristus eka dubaiga Ugatame nigajaweege etii.

²¹Ikii kede akajuwe tai, Keristus weda egajake.

²²Ei, jagamaane, ikiija jamaaneepa ejuwidoke tai, Keristus kidiipa danite;

²³jameme kii ke jagamome ka migougu kiija, Keristus maija maakodo gai uguupuguu ka migougu kidi danite; okai má jato kodo ajii bokouto jaduwajawita.

²⁴Maakodo gai uguupuguu kodo Keristus kidiipa ejuwidoke danite, okai kou dani maija jagamaane kodaa utoma agijo duba jamaaneepa ejuwidoke tai.

²⁵Ei, jamaane, ikiija jagamaane ipa egai, Keristus maija maakodo gai uguupuguu ipa egajake okai kou maida make akaato ekegajawita kidi danite;

²⁶jimubeu awiine tijake, mana kodo uwo ka witogijake,

²⁷akaato kidiipa ajiipiidaiga emejawiine tijake, anaani beu, jakega beu, kou dani dani ko beu, kodeja jimubeu anaani beu kodo.

²⁸Okai kou dani maija jamaane kedaa jagamaane ipa egaja, akaato tine kidi danite; jagamome ipa egata me kidi akaato kidi ipa.

²⁹Me idaana ma beu akaato tine kidi be egai kodeja, munii ma, doutou ma, Keristus kidaa maakodo gai uguupuguu kodo danite.

³⁰Inii ke okaija má jato ka tineido kouja.

³¹Okai kouja me idaana ukame nakame ejaikijake jagamome ma akatawa aatai, tijake okejai wija ena tine aakai.

³²Kou ko boone-boone mana ibo; kodeja anija mana kodo Keristus kidi ma, maakodo gai uguupuguu ma gaagoo mana.

³³Kodeja ikii me gakita akaato kidi danite jagamome kodo ipa egai, daana jagamome kodaa jameme ibo ejaikai.