Read Ekari KOLOSE 1 Bible Online

KOLOSE 1 - Ekari bible

KOLOSE 1

¹Ani ki Paulus kidi, Ugatameja dimiidaiga Keristus Jesus jaeti-awita me kidi, daana iniikeneka Timotius kidi ma enaimo,

²Kolose makiida ka Keristus maakodo gajake jimubeu bageepa kapogeije kijamakii. Jikoo bokouto ma, muka-muka bokouto ma, Iniitai Ugatame kidaa boko kijaduwajawii.

³Iniija Tuhan Jesus Keristus Nakame Ugatame kidi inii muta etuwai, inii sembahjang kijaki-tojake;

⁴ikii Keristus Jesus maakodo egai kodo inii juwii kouja, daana jimubeu bagee utoma ipa egai mana kodo maija.

⁵Epaawado kotopijawii dimi kijamakijake topa kouja; ikii mijaato juweetega mana kodo, maakodo ka ajii manaidaiga kodo,

⁶ikeepa dakii tijake; uwoje makije amo gamei joko gamei tijake uta goote kodo danite, ikeepa maija, ikii juwijake Ugatameja jikoo bokouto maakidi gamakeetegaida make ko.

⁷Ikii Epafras make juweetega kodo danite, iniija ei egata inii ma kei te-tai kidi, ikii maida make enanauto kidi Keristus jakei te-tai kidi.

⁸Ikii Rohdaiga ei ekaga dimi kodo okai niti-niimita.

⁹Okai kouja inii juweetege naago make ko inii te duwajake sembahjang kijaki-tou to, Ugatameja dimi epi ketago ke-tijake kijaediimeete, dimi bokoudaiga ma, Roh ka gajaidaiga ma.

¹⁰Ikii Tuhan maida kidou enaa ume-wo te-tita, okai juma dege dege kitimakijake, utoma enaa manaidaiga uta go-wo, daana Ugatame epi ke-wo.

¹¹Bida bokouto kijaduwajawijake, okaija ajiipi jago bida bokouto kodaa, ideide ma kojaidaiga kegepa animake-tita.

¹²Iniitai kidi muta etuwaate, jimubeu bagee aweidaiga gowajawii manaida oogowai enaa nigajawita me kidi.

¹³Bunita ka bidaidaiga make nipipikajawijake Joka didé jakimakita makiida nibukigota;

¹⁴nipipikajawii kodo okai dubaiga, iniija peu awitaido ipa nijaikijake.

¹⁵Kii ke te edoja Ugatame kidi ajá kidi, aagijo taagijo ugai beu gaa kodaa Ibouto ida kidi.

¹⁶Okai dubaiga utoma agijo utoma ugajawita, epaawado ma, makiida ma, douja, te douja, boko petajaida beu, bida agijo beu, etimake-tai beu, boko duwajawe-tai beu; utoma agijo utoma okai maidaiga, daana okai maida make ugajawita.

¹⁷Utoma agijo utoma ewaa kai beu gaa okai kidi tou, daana okai dubaiga utoma agijo utoma akatawa timakita.

¹⁸Kii ke má jato migougu kidi, maakodo gai uguupuguu ka kidi; kii ke epauto kidi, daana bokata bagee jupi make ibouto me kidi; utoma agijo utoma duba okai kidi wo etige ke-tita.

¹⁹Ugatameja bokouto kodo okai duba boko jaduwajawii ide,

²⁰tijake okai maidaiga utoma agijo utoma akaato kidiipa dagi duwajawii, makiida beu, epaawado beu, okaija pija boko ka emo ka dagi duwajawijake.

²¹Ikii ke tika ko poto, daana peu kei tai agijo maida make dimi duba okai ma jape kodeja,

²²okaija ma jatouga bokai manaidaiga dagi kijaduwajawita; jimubeu kodo, anaanibeu, jakega ma beu kodo, okai jumaapa kimejawiine tijake,

²³ikii maakodo ga-wo ti-toojogo ko, pigu tijake bo wemakai; tijake ajii mana kotopijawita dimi kodoopa make wougo beu tijake; ikii juweetega ka kodo, daana utoma bagee uwoje makije jawudijawita; ani ki Paulus kidi kou maida make kei te-tai kidi najaikita.

²⁴Ito ani ikii maida make gaduwaate ko ani ideide tai; daana Keristusja má jato maida make, kii ke maakodo gai uguupuguu no te, gaduwai beu daniija ani tineija wo ewogijawii.

²⁵Maakodo gai uguupuguu jakei te-tai kidi Ugatameja najaikita, ikii maida make, Ugatameja mana wudikumiine tijake;

²⁶kii wagi kou wagi te-mijo, daana me kakade kakade te-mijo maida make boone boone mana kodo, kodeja ito kou jimubeu bageepa ewaida jaawita.

²⁷Boone-boone mana kodo ugo uweuwe ajiipi agijo kodo ojaa bagee maida make ibo no! jimubeu bageepa ewaida jaawita, kou ko, Keristus kidi ikii duba ajiipi bokouto dimi kotopijawii kodo.

²⁸Okai ki inii kijawegakumii, utoma dimi bokoudaiga me gakita eti-menii ma, etopai ma, me gakita Keristus duba boko duwadoke tita emejawiine tijake.

²⁹Okai kou maida make ani umina ekowai woowii, okai ani duba bida peu kidi kei tijake ka umina bidaidaiga kodo.