Read Ekari 1 TESALONIKA 1 Bible Online

1 TESALONIKA 1 - Ekari bible

1 TESALONIKA 1

¹Paulus ma, Silwanus ma, Timotius ma, Tesalonika ka maakodo gai uguupuguu Iniitai Ugatame kidi duba, daana iniija Tuhan Jesus Keristus kidi duba, inii kapogeije kijamakii. Jikoo bokouto ma, muka-muka bokouto ma boko kijaduwajawii.

²Ikii utoma maida make inii umina kidi Ugatame nigajaweege etii, iniija ka sembahjang gakita kijakimakijake.

³Te duwajake kiga-tou to, kou ko ikiija ka maakodo gaidaiga kei te-tai, daana ipa dimiidaiga ekowa-mote-tai, daana iniija Tuhan Jesus Keristus maida dimi ekotopijawijake bo wemakai, Iniitai Ugatame jumaapa.

⁴Ikii kiwitokita bagee kede kigajake, ei, noogeimaido, Ugatameja ka ei kigata bagee kede.

⁵Iniija ka ajii mana ikeepa dakii tita ko, mana godajake to ko beu, kodeja bidaidaiga, daana Rohulkudus kodoudaiga, daana epaapa timakaidaiga; iniija ka umi-tou tita kodo ikii jupi ikii epi, ikii maida make ko.

⁶Ikii ke iniija komuga kinita neepe-tai bagee kidaa tita, daana Tuhanja komuga kinita kodo maija; gaagaa duba maija ikii mana muto kodo jakimakita, Rohulkudus ka mejawija ideidaiga.

⁷Tijake Makedonia ma, Achaja ma, dokoo ka maakodo gai bagee utoma kedeepa ikii komuga menita.

⁸Ikeepa make Tuhanja mana kodo ugo uwidoke tita, Makedonia ma Achaja ma to ko beu, kodeja e butu te butu ikii Ugatame maakodo egata mana kodo ugo uwidoke, tijake inii mana beu

⁹Okei kede neewegai kouja, ikii nijakimakita mana, daana ikii utoopa migaakobe tei tita kodoopa make Ugatameepa wouga kita, ajii bokouto jago Ugatame puki dijo edo-tita.

¹⁰Dedaana Jokame epaawado make meitagiida edouto-tita; bokata bagee jupi make eenigojawita me kidi. Kii ke Jesus kidi, wado ka emoge dimi kumi dimi maida make nipipikajawita me kidi.