Read Ekari 1 TESALONIKA 3 Bible Online

1 TESALONIKA 3 - Ekari bible

1 TESALONIKA 3

¹Okai kouja iniija ka kogaa kodo jakimakai kaga gajake, inii to Atina makijo nijaikidokii enaa gata.

²Tijake Timotius iniija noogei kidi, daana Keristusja ajii mana wudijaida Ugatame jakei te-tai me kidi, ikeepa kijaebadikumii, ikiija maakodo gai kodo bo kijawejawe-tita, daana kitopetita.

³Kei peepu manaida kouja me idaana ma begoo begoo tete-tijake. Inii kou mana maida make boko nijaduwajawita kodo ikii kede gajake.

⁴Inii ikeepa tootege gaa, inii gaduwaitage mana kiteetege, ito kou potu tita kodo danite, daana ikii dootega dani.

⁵Okai kouja, ani kaga gajake, ikiija maakodo gata kodo epi kaine tijake me ebadikumita, monoo bokouto kidaa monoo kitijake iniija kei tita agijo kodo wogidaa tidoke na kojoka weda gajake.

⁶Kodeja ito kou ikeepa make Timotius ineepa joko mejake ikiija maakodo gai ma, ipa dimi ma, enaa mana kodo neewegajawii; kou ko, ikii kogaa ma niga-tou to, inii na kidoune kogaa umina kodo danite.

⁷Okai kouja, ei, noogeimaido, iniija ka gaagaa ma, peepu nititaida ma, inii kegepa awe kadee, ikiija ka maakodo gata kouja.

⁸Inii ke ija tou to, ikii kede Tuhan duba bo we-toojogo ko.

⁹Inii kawi ka ki nigajaweege mana ikii maida make Ugatameepa wado eti-menija, ikii maida make ka ideide dimi kodo maida make, Ugatame jumaapa.

¹⁰Wanee agapi sembahjang umina ediimeete, ikii ma akado taine tijake, ikiija ka maakodo gai beu daniija tiki tiki kijataine tijake.

¹¹Ugatame Iniitai kidaa, daana iniija ka Tuhan Jesus kidaa iniija ita ikeepa nijawadijawe-tijake ani ediimeete.

¹²Dedaana Tuhan kidaa ikiija ipa akaga dimi kodo abuma kijaawii, ikii kede ma, me utoma, inii na ikeepa danite.

¹³Ikiija kegepa jimubeu anaanibeu kidi kimune-tita, Iniitai Ugatame jumaapa, iniija Tuhan Jesus meitagiida, jimubeu bagee ma enaimo.