Read Ekari 1 TESALONIKA 4 Bible Online

1 TESALONIKA 4 - Ekari bible

1 TESALONIKA 4

¹Muumai jato, ei, noogeimaido, inii kidiimai ma, kiti-kinii ma, Tuhan Jesus eka duba, ineepa make topita ka ume-wo to-wo ijee kodo Ugatameja juma dege-dege kite-tita, ikii ekowaate kodo danite, okai kou kodoudaiga abuma kidi ume-wado.

²Iniija ka Tuhan Jesus bidaidaiga kitimakita mana kodo gai.

³Ugatameja dimi ikii maida kii dani kouja: Ikii jimubeu ke-tita. Kou ko, mogai maida make akaato munii.

⁴Tijake ikii me gakita jimubeuda jagamome ebukai, ibo ejaikijake.

⁵Kikija epautoudaiga ko beu, ojaa bagee dani bukaa, Ugatame ewo bagee ka kede.

⁶Daana me idaana ma okai kou manaida mana te ekagumijake kenekame te jabokomai. Tuhan kidaa kou mana kodo abu japai kouja, inii tika kiteetege danite.

⁷Ugatameja peu maida mana nitai beu kouja, kodeja jimubeu manaida mana nitai.

⁸Kojoka meija ekonipi, okai me tuma ekonai ko beu, kodeja Ugatame ekonai, okaija jimubeu Roh niimijawita me kidi.

⁹Enakeneka bagee ipa akaga mana kodo me ka kijaebijai gai peu ko beu; ikii kede ipa akaga dimi kodo Ugatameja kitopita kouja.

¹⁰Daana maakodo, Makedonia dokoo utoma ikii enakeneka bagee utoma maida okai kou dani to; kodeja inii ga-kinii, ei, noogeimaido, okai kou kodo abuma ke-wado.

¹¹Daana kojaidaiga ume-wado taine tijake ekowa-motii; me gakita okai kidaa agijo dimi wo gai, daana gane ka kei tai, inii kitopita danite.

¹²Ojaa bagee ka ibo kijaike-tita, daana me maida epijadaa ko beu.

¹³Inii ide beu, ei, noogeimaido, ikii bokata bagee mana muto ewo kodo; joko ka bagee dimi kotopijawii beu daniido kede didi gai danite ikii didi te ga-tita.

¹⁴Jesus bokajake anigota mana muto inii maakodo ga-too-jogo, Jesus duba bokata bagee kede Ugatameja okai ma enaimo oomeitagi.

¹⁵Okai kii dani Tuhanja manaidaiga kiti-kinii, inii Tuhan meitagiida to ija toutage ka bagee kedaa bokata bagee te eetiga-dokiitage.

¹⁶Tuhan kidaa ibo mana wuu ma epaawado make mijo meitagi; jaetigo-tai migougu jamakita me ka ibo mana wuu kodo ma, daana Ugatameja mitoopi mana kodo ma. Keristus duba bokata bagee tiga anigoutai.

¹⁷Wadoutouga inii ija nijaikita ka daniido kede okei ma enaimo tá kapagu duba wado nibuki-motii, Tuhan ma akado te-tita, epa ma maki ma bedeida; okai kou dani tijake Tuhan ma enaimo to-wo to, kii kidi imo to togoo.

¹⁸Okai kouja, okai kou manaidaiga ikii kede kegepa akatipinimake tai.