Read Ekari 2 TESALONIKA 1 Bible Online

2 TESALONIKA 1 - Ekari bible

2 TESALONIKA 1

¹Paulus ma, Silwanus ma, Timotius ma, Tesalonika ka maakodo gai uguupuguu Iniitai Ugatame kidi duba, daana iniija Tuhan Jesus Keristus kidi duba, inii kapogeije kijamakii.

²Kou danite Iniitai Ugatame kidaa, daana e boko te boko nijaduwa-tai me Jesus Keristus kidaa jikoo bokouto ma, muka-muka bokouto ma boko kijaduwajawii.

³Ikii maida make, ei, noogeimaido, inii Ugatame muta etuwagoo to tija, kei tija kodo danite, ikiija maakodo gai ko abuma ke-wado kouja, daana ikii kede ipa akaga kodo abuma ke-wado.

⁴Tijake Ugatameja uguupuguu utoma duba ikii maida make inii kobidoke tai; peepu kitaida ma, gaagaa duba ma, ikii maakodo gamakijake bo wemakai kouja.

⁵Kou danite Ugatame kidi epeepite boko peta-tai kidi mana kodo ewaida kai, Ugatameja jakimakita makiida kodaa kidou enaa kigajawita. Okai kou maida make ikii didi gaduwagoo to.

⁶Ugatameja pekaida ko doodoo mana ko, gaagaa kitijawii bageepa gaagaa abu japai mana kodo;

⁷daana ikii gaagaa bagee inii ma enaimo mobu neewii, Tuhan Jesus epaawadoopa make ewaa kaitagiida, bida jago jaetigo-tai bagee ma enaimo.

⁸Bodija wii ka ma, Ugatame ewo bagee abu japaitagi gaa, kou ko iniija Tuhan Jesus ajii mana kodo te juwe bagee kede.

⁹Tijake peu kai imo kidi to togoo, Ugatame jumaapa make poto eemigimakita, daana okaija ajiipi ka bida bokoutoopa make.

¹⁰Putu naagouda okaija jimubeu bagee duba ajiipi go-motetijake, okaija meitagiida; daana maakodo gai bageepa ugo uweuwe ke-tita; inii keewegaatege mana kou ko ikii maakodo nigata kouja.

¹¹Okai kouja inii umina kidi sembahjang kijakimakai, Ugatameja mana kitita takaida ikii kidou enaa kiga-tijake kijaediimeete, daana okai kidaa bidaidaiga enaa gaja dimi utoma, daana maakodo gaidaiga kei tija agijo maija boko kijaduwajawii.

¹²Iniija Tuhan Jesus eka kodo ikii maida make muta etuwatijake, daana ikii ke okai duba, Ugatame ma iniija Tuhan Jesus Keristus ma jikoo bokouto epeepeidaiga.