Read Ekari 1 TIMOTIUS 1 Bible Online

1 TIMOTIUS 1 - Ekari bible

1 TIMOTIUS 1

¹Ani ki Paulus kidi Keristus Jesus eti-awita me kidi, ajii bokouto nijaduwa-tai Ugatame kidi ma, inii dimi ekotopijawita me Keristus Jesus kidi ma, enimakijakeidaiga;

²maakodo gai manaidaiga ani joka didé Timotius kidiipa kaamakii. Kou danite jikoo bokouto ma, ipa bokouto ma, muka-muka bokouto ma, Iniitai Ugatame kidaa boko kaaduwajawii, daana Jesus Keristus kidaa maija, e boko te boko nijaduwa-tai me kidi.

³Ani Makedonia uweetega gaa aki Epesus makiida tou kadiimeetega danite, ito kou maija kadiimai, me wija wido ka joko ka mana te etope-tita tijake bida peu etii.

⁴Kuba-mote mana juwa, me mijo kebai kebai wo ewogijawii beu ka mana juwa, te jakimakai; kou ko akaije akaije to pakamijawii mana, Ugatameja uguupuguu maakodo gaidaiga bo te wemakija.

⁵Iniija nitimakita mana momogi jato ko, ipa dimi kodo jimubeu kegepaidaiga enaa gata dimi ma, umina maakodo gamakai dimi kodaa ma pakamijawii.

⁶Me wija wido kou mana muto maida make wo keenidaa betokidaa tijake epa beu manaida wouga kidaa.

⁷Musaja dijo douja mana etope-tai bagee kaine gai; okeija ka wegaate mana kodo gai beu kodeja, daana epaapa tijawii manaido ewo kodo.

⁸Kodeja inii epi, Musaja dijo douja mana kou ko enaa, kou danite kei tijaidaiga kodo kei ti-toojogo ko.

⁹Dijo douja mana ko enaa bagee maida make ewaa jaawii ko beu kojoka no! gamakijake, kodeja dijo beebu ma, mana te juwe bagee maida make; kou ko dijo te do-tai ma, peu ma daniido; nokii ma ewidogija ma; nakame ukame wagita bagee ma; me wage-tai utoma.

¹⁰Mogai jago ma, kikija epauto ma; me oma jabuke-tai ma, puja ma, kuba-tai ma; daana enaa mana maida make akaije manaido utoma.

¹¹Ugo uweuwe ajii mana epeepeidaiga, muta etuwaja Ugatame kidaa ani kei te-tijake naadokijawita kidi.

¹²Iniija Tuhan Keristus Jesus ani muta etuwai, okai bida naawita kidi, okai enanauto nagajake kii ka kei tijaidaiga boko naduwajawita kouja.

¹³Tika ani ewidogai ma, peepu ma, eduwai ma; kodeja ani ipa nagata ani ewoudaiga maakodo gai beu gaa kei tita kouja.

¹⁴Tijake Tuhanja jikoo bokouto ani maida abuma kidaa, Keristus Jesus duba ka maakodo gai mana ma, ipa bokouto mana ma enaimo.

¹⁵Kii mana muto maakodo puki, jakimakija mana kodo, kou ko, Keristus Jesus kidi peu kei tita bagee kede ajii ti-meniine tijake makiida kiija mei. Okei jupi ko ani ki peu epauto me.

¹⁶Kodeja okai kouja ani ipa nagata, ani umina peu me manaida kodaa Keristus Jesus kegepa animakita mana ibo kodo emuwakaine, wadoutouga ajii taine tijake maakodo gaitai bagee kede do-tijake.

¹⁷Imo to tou makiida jakimake-tai kidi, beu te kija, daana te edoja, Ugatame ena to kidi muta etuwagoo tijake ajiipi etijawigoo kii kidi imo to togoo. Amin.

¹⁸Kii mana muto katimakaine, ei, ani joka Timotius, tika kodaa aki maida ka douja dojawita manaida epeepe. Kou manaidaiga enaa jape makii.

¹⁹Maakodo gai ma enaa ka dimi ma bo wemakai to. Me wija wido ka enaa dimi kodo jamo jaikijake maakodo gai ko jamo igadoke.

²⁰Himeneus ma Iskandar ma okai kou kodo dani; ani Teege maida jamo eekegajawita, Ugatame te ewidogai mana aatope-tita.