Read Ekari 1 TIMOTIUS 4 Bible Online

1 TIMOTIUS 4 - Ekari bible

1 TIMOTIUS 4

¹Roh kodaa ewaida wegai ko, wiwitiida gaa kodo me ino ke maakodo gai maida make wo keenidaa betokidaa taitai, uneune roh juwidoke tijake, daana enija mana

²matabe bagee ka puja eukaidaiga etopita; dimi ko tekoo kidaa, gobi umina putema dani bukaa.

³Okei waka bukii ko dá tijawii, daana naija agijo kii bagee kou bagee Ugatameja ka ugajawita ko dá tijawii, nigajawita dimiidaiga motija kodeja, maakodo gajake maakodo mana epi kita bagee ka.

⁴Utoma Ugatameja ugajawita agijoudo enaa to, daana ena ma te emigija, kou danite nigajaweege etijake moti-toojogo ko.

⁵Okai kou danite Ugatameja mana ma sembahjang ma ka jimu dejawita.

⁶Kei manaido utoma iniikeneka bageepa eti-menipe ko, aki Keristus Jesus enaa jakei te-tai kaitage; aki juwidoke tita ka maakodo mana utoma maida bida kijake.

⁷Kodeja epa beu kuba-mote manaido kou ko jamo jaikai, jagamaadamaido ka. Dijo do-wo to tai.

⁸Má jato munii kou ko mijo gaa to enaa, kodeja dijo dou kou ko utoma agijo duba epaago, ito kii gaa ka umi-tou tija mana ma, wado ka ajii tai mana ma awimakita.

⁹Kii mana muto maakodo puki, umina jakimakija mana kodo.

¹⁰Okai kouja inii kei teete umina woowii, ajii ka Ugatame maida dimi ekotopijawii kouja; utoma bagee ajii bokouto jaduwajawita me kidi, epauto ko maakodo gai bagee kede.

¹¹Kei manaido utoma etimakijake etopikumii.

¹²Me idaana ka ma aki ki jokaagaa kijoka daba te kajaikai, kodeja aki ki maakodo gai bagee komuga menii, mana wegaida ma, kei taida ma, ipa dimi ma, maakodo gai ma, jimubeu ma.

¹³Kapogeije ebatai ko bo wemakai; mana wudii ma, me etopai ma, ani jawiitaida to.

¹⁴Aki duba ka ojaa kanita agijo kodo aadaba te tijawii, douja dojake kanijawita kodo, douto-tai bagee ka gane aki maida kaawita gaa kodo.

¹⁵Kei manaido utoma kei te-wo, daana okai kou maida akaato ekegajawii, aki enaa ke-wo mana kou ko me utoma kado-tita.

¹⁶Aki akaato ma, akija etopija mana ma epeepite gamakai. Kou mana kou bo wemakai; okai kou manaida ajii tija kouja, aki kidi ma, kajuwaitai bagee ma.