Read Ekari 1 TIMOTIUS 5 Bible Online

1 TIMOTIUS 5 - Ekari bible

1 TIMOTIUS 5

¹Me ibo idaana te ewidogai, kodeja nakameepa etija danite etii. Jokaagaido enakeneka dani bukaa etijawii;

²daana jagamaadama maija ukameepa dani; apiido kodo panekaane dani bukaa, jimubeudaiga.

³Umina mijáá ka kodo, kou ko eedadai beu bagee ka kodo, kou kodo ipa egai.

⁴Kou danite mijáá kodo jokaane juwa, ookaane juwa, ewaa ki-toojogo okeija uguwo tiga enaa agijo wo kei tai, daana okeija iboudo abu japai; kii ka ka ki Ugatameja juma dege-dege etai kouja.

⁵Umina mijáá jagamo kodo okai to kouja okai Ugatameepa dimi ekotopijawii, tijake wanee agapi sembahjang to tigoo.

⁶Kodeja ideide ubaate ka kodo ija kodeja bokata dani bukaa.

⁷Kei manaido bida peu eti-menii, okei anaanibeu kidaa tetita.

⁸Kodeja kou danite me idaana okai ma bagee te emuni-toojogo ko, epauto ko okaija uguwo kodo, okai maakodo gai mana kodo beu puga tijawita, daana maakodo gai beu bagee ma ko euga peu.

⁹Epajake ko taun mutoona umii beu ka mijáá jagamo kodo eka te ebijai. Okai meena to waka uwita me,

¹⁰daana enaa kei tai agijo maida ekaago me, kou ko jokaido emunai, ita jawe bagee oumidokii, jimubeu bagee ka bado jawitogai, gaagaa bagee eedadai, utoma enaa agijo kei te-tai kodo.

¹¹Kodeja jokaagaa ka mijáá jagamo ekonai. Okeija kikija ka Keristus ma akaije ootijake waka uwiine gai kouja.

¹²Tijake okeija edoga wegata mana kodo jaikai kouja peu kai.

¹³Kou to ko beu kodeja okei kii tabe-tabe kou tabe-tabe maida make ena peu wo topidaa, daana ena peu to ko beu kodeja me eduwana, wedege wudugu etina, daana te wegaja mana wegana.

¹⁴Okai kouja anija gai ko, jokaagaa ka mijáá jagamoudo waka uwijake joka wo makii, daana okeija ka uguwo epeepite munii. Daana inii ma jape kidi niwidogai mana te jajaikai.

¹⁵Me wija wido Teegeepa wo eepeta kouja.

¹⁶Maakodo gata jagamo idaana imee bagee mijáá jagamo ewaa ki-toojogo ko okai eedadai; kou danite maakodo gai uguupuguu maida kugo te jadokijaweete, kodeja umina mijáá jagamoudo eedadi-motii.

¹⁷Douto-tai bagee ka epeepite kei te-tai kede ke kigi wijaago ma ibo ejaikai. Epauto ko ajii mana wudii ma, me etopai ma teete bagee kede.

¹⁸Ugata mana kii dani ebijamakita kouja; Sapi kodo uta gotomijake teetigo gaa ebe te jatakimai. Daana kii mana muto maija: Kei tija bagee kede kei tita ageja motija.

¹⁹Douto-tai bagee maida ijeije mana te jajuwii, me ida wija wido ka mana jawegajake to.

²⁰Peu ka gadi mani timakita me kidi me utoma jumaapa kegei kegei etai, joko kaido kei weda ga-tita.

²¹Ugatame pekaida ma, daana Keristus Jesus ma ewitokita jaetigo-tai bagee pekaida ma, ani katii, kei manaido epeepite jakimakai, me ebepeka te ewitokijake.

²²Kou gootoki me idaana maida gane te jamakii, daana me ino ka peu maida akagadime te tai. Aki akaato jimubeu kidi munimakai.

²³Uwo to te nojake utaadijo mijo gaa nai, aki modo gajake, daana akija debuu wado tou to kouja.

²⁴Me ino ka peudo ewaida, peu kai doodoudaiga kita, kodeja me ino ka peudo ko wadoutouga ewaida kai.

²⁵Okai kou dani maija enaa kei tita agijo ewaida; daana ewaida beu ki-toojogo maija te boonimakija.