Read Ekari TITUS 3 Bible Online

TITUS 3 - Ekari bible

TITUS 3

¹Maki douto-tai ma, boko duwa-tai bageepa ma ejuwidoke te-tita ega-menii; ejuwidoke tijake enaa agijo ekowaine ga-ii.

²Me idaana ma te eduwai; akaije akaije te tai, kojáá peu kidi me utomaapa debee kegepa emuwakai.

³Inii na tika ewo kouja, te juwe, uneune, kii ka kibigi ijee, kou ka kibigi ijee, daana makiida ka ideide dimi ka nijakimakita bagee, peu ma digi akadoke to umigoo teetege; me ka be nigajake inii kede maija be akaga to.

⁴Kodeja ajii bokouto nijaduwa-tai me Ugatame kidaa enaa bokouto, ipa bokouto ewaa tapa kijake

⁵ajii nitijawita; iniija ka enaa ekowai manaidaiga ko beu, kodeja okai kidaa ipa nigataida kodaa, wijaago pamakai ka witogija manaida, daana Rohulkudus ka ija mana ewaa awiidaiga,

⁶ajii bokouto nijaduwa-tai me Jesus Keristus maidaiga, Rohulkudus abuma nijatuumijawita me kidi.

⁷Okaija jikoo bokouto ka maa nigajawijake inii dimi kotopijawiidaiga ajii tai imo to togoo gowajake te-tita.

⁸Kii mana muto maakodo. Anaa dimi ko, kei manaido umina epeepite bida peu wegai, Ugatame maakodo egai bagee kede enaa agijo kei taine juma doodoo te-tita; kei manaido utoma enaa, tijake meepa epaago.

⁹Kodeja utoopa akaije akaije manaido jamo kigi atii; me mijo kebai kebai tita manaido ma, akawage ma, Musaja dijo douja mana maida make akaije ma, kou ko epa beu kouja, daana wogidaa.

¹⁰Joko mana gomakija bagee kigeena wija etijake jamo kigi atii.

¹¹Kii dani ka me kidi maitaiga uwijake peu me; okai akaato peu awita me kidi aki egajake.

¹²Ani Artemas juwa, Tichikus juwa akeepa kaaebadikumipa ko, aki aneepa Nikopolis makiida medo tai; kouda kodaa oo uwa umidokiine gaaga kojoka.

¹³Kapogeije epi me Zenas kidi ma, Apollos ma epeepite eumigou, tumaana agijo ma gaagaa te aate-tijake.

¹⁴Iniija bagee enaa kei tai agijo kei tijawiine topii enaa, gai peu manaido tiki ate-tita, daana epa beudaiga ume-wo te te-tita.

¹⁵Ani ma enaimo bagee utoma kojáá tou katii. Maakodo gai manaida ei nigai bagee kojáá tou kiteegi naaetii. Jikoo bokouto ikii utoma keetou to.