Read Ekari IBERANI 11 Bible Online

IBERANI 11 - Ekari bible

IBERANI 11

¹Maakodo gai kou ko dimi kotopijawita agijoudo epaapa timakai mana kodo, daana dou beu agijoudo kodo maa no! gai.

²Okai koudaiga tikauwa ka bagee kede juma dege-dege etijawita.

³Makiida Ugatameja mana kodaa ugajawita inii maakodo gaidaiga gamakai; tijake dou agijoudo kou ko ewaida beu agijo ka ewaa awita.

⁴Maakodo gaidaiga kodaa Kainja jo-menita agijo kodo ma ko Habilja enaa, tijake maakidi ka me kidi mana jawegata, okaija jo-menita agijo kodo Ugatame jamotijake ko. Okai bokata kodeja, okaija maakodo gai kodaa mana wegagoo to.

⁵Maakodo gaidaiga kodaa Henoch kidi wado ebuki-motita, okai te boka-tijake; me kidi edomakai beu tita, Ugatameja ebuki-motita kouja. Wado ebuki-motii beu gaa kodaa Ugatameja juma dege-dege etita mana kodo jawegata.

⁶Maakodo gai beudaiga Ugatameja juma dege-dege ti nitimake; Ugatameepa jawiine bagee kede Ugatame topi kijoka mana kodo maakodo gai beu kai peu, daana eubai bagee kede petege jawejawii.

⁷Maakodo gaidaiga maija Nu kidi okaija uguwo emadagajawiine tijake weda ma owaa jago koma migijawii, ewaa kai beu gaa kodaa Ugatameja mana eti-menijake. Okai kou dani tijake okai makiida maki utoma kegei-kegei etijake maakodo gai epauto ka maakodo bokouto kodo gowajawii me kita.

⁸Maakodo gaidaiga Ibrahim ejuwidoke tai, okai ipuwe kaita makiida uwe-tijake Ugatameja manaa-tita gaa; okai podomijake uwii, kaijaiga uwii ko ewo kodeja.

⁹Jatogijawita makiida kodaa okai maakodo gaidaiga duwa jawe, me ka makijo kodo danite; Isak ma Jakub ma enaimo okei dokina te-tai owaa duba umii, okai ma enaimo togijawita mana kodo oogowai bagee kede.

¹⁰Kabo makita makijo kodo okai dimi kotopijawii kouja, ewaa awijake migijawii me kidi Ugatame kidi.

¹¹Maakodo gaidaiga maija Sarah kodo modo ke-tijake bida agijo gou, okai adama umina kijake modo te kija wagiida kodeja, mana jatogijawita me kidi enanauto kidi egajake kouja.

¹²Kou dani tijake me idaana epauto, daana kii ke bokata me dani bukaa, okaija mijo ekebata bagee kede epa maida ka ijapu dani wedaba, daana maikai watija ka í dani bukaa te gakimake.

¹³Kei bagee utoma maakodo gaidaiga bokai, jatogijawita mana kodo gowajawii beu tijake, kodeja poto make dojake jakimakai; inii ke kii makiida kiija ojaa bagee duwa jawe mana kodo wegajake.

¹⁴Kou dani mana wegai bagee kede okeija ka maki puki ubaate kodo ewaida.

¹⁵Okeija ka podomita makijo kodo wado gai naako, beu ma ko beu, okei wo uwi-toja.

¹⁶Kodeja okei euga enaa makijo ide, kou ko epaawado. Okai kouja Ugatame kidi okei ipuwe me eebatita ko ego beu; okai makijoona epeepi jatijawita kouja.

¹⁷Maakodo gaidaiga Ibrahim egaado tita gaa kodaa Isak kidi eekegajawii, daana jatogijawita mana kodo gowajawita me kidaa enaago joka kidi eekega-menii;

¹⁸okai kii maida make kii dani mana jawegata kodeja: Isak epaidaiga aki ijoo wado eebatijawii.

¹⁹Ugatame kidi bokata bagee eenigojawii bida jago kidi egajake; kou ebijaabija manaidaiga okai joko ebuki-motita.

²⁰Maakodo gaidaiga Isak kidaa Jakub ma Esau ma meitai manaido maida make mobu bokouto jaduwajawii.

²¹Maakodo gaidaiga Jakub kidi bokaine jato Jusuf jokaaneija mobu bokouto jaduwajawii, okaija bado kopa maida tudumijake sembahjang tijake.

²²Maakodo gaidaiga Jusuf kidi umimakijake Israil bagee podomaitai mana wegajake okaija ka mitoo maida make mana eti-menii.

²³Maakodo gaidaiga Musa pata gaa kodaa nakame ukame agoo wido aaboonai, joka kidi edo-motii enaa aadojake; tijake maki jakimakita meja ka ibo mana kodo weda beu.

²⁴Maakodo gaidaiga Musa kidi ibo kijake ko Piraonja jagamo joka kodaa jokame kidi eebatai ko ekonita;

²⁵Peu agijo ka igadaa taine ideide kodo ma ko Ugatameja uguupuguu ma enaimo peepu gaduwai ko enaa gai.

²⁶Masir ka tonawi pokawi ma ko Keristus maida make ewidogita mana kodo agakato dani gai, petege kodo peka wo wagimakijake.

²⁷Maakodo gaidaiga okai Masir makiida make podomai, maki jakimakita meja emoge kodo weda egai beu tijake; te edoja Me kidi edou jaijo bo wemakai.

²⁸Maakodo gaidaiga okai wadouga etigajake petii tita naago kodo dijo dou, emo gapii tijake, ibouto daniido wagimakeete kidaa winiki te ete-tijake.

²⁹Maakodo gaidaiga meido kede Dege Maikai wo adii, adaida uwija danite; Masir bagee kou kei taine gaado tijake uwo onidaa tita.

³⁰Maakodo gaidaiga Jericho ka mogo edaido bogomidaa tita, agapi pituwo bobi-motigojake.

³¹Maakodo gaidaiga mogai jago jagamo Rahab kodo te juwe bagee ma enaimo peu kai beu, gabouga doonaa teete bagee kede kojáá na ka ebukai kouja.

³²Ani má mana wo wegai? Tani te tiki ko Gideon ma, Barak ma, Samson ma, Jepta ma, Daud ma, Semuil ma, gokobaki tijawiidaiga wegai tita bagee ma mana wo wegai ko —

³³okei maakodo gaidaiga jakimakita makijoudo jini-motita; enanaidaiga boko petata; jatogijawita manaido gowajawita; singa jina ebeido jatakimijawita;

³⁴bodija ibo madinijawita; kataana maida make kokogidaa tita; debuuda make bida kita; japeepa egoninigi kita; jape meta bagee kede eebakikumita.

³⁵Okeija ka bokata bagee kede jaenigojawijake jagamoudo joko ebukai. Me ino peepu etikumita, tijake pipikai mana ekonai, euga enaidaiga anigoune tijake.

³⁶Me ino kede ewitinai ma, godijai etai ma, buda egadimai ma, ejakigoo amaawii ma;

³⁷mogo ka wagigoo etita; gikii ka eduwata; kataana ka eduwata; domba kado ma kamigi kado ma makijake uwina tita; agijo tagu, peepu etita, tagibagi etita.

³⁸Kei bagee maida make makiida maki utoma edou peu; me beuda ma, dimiida ma uwina tijake bijo duba ma, maki komo duba ma umei tita.

³⁹Kei bagee utoma maakodo gai maida make enaa mana jawegata kodeja jatogijawita mana kodo gowai beu tita;

⁴⁰inii maida make euga enaa agijo Ugatame tika nijadota kouja, okei ke inii beuda boko te jaduwajawiine tijake.