Read Ekari 3 JAHJA 1 Bible Online

3 JAHJA 1 - Ekari bible

3 JAHJA 1

¹Maakodo gai uguupuguu douto-tai kidaa noogei didé Gajus kidiipa kapogeije kaamakii, ani maa kou ei egata me kidi.

²Ei, noogei didé, ani sembahjang kajakai, aki utoma takaida enaa ke-wo tijake mobu to-tita, aki dimi mana kodo mobu kodo danite.

³Ani ideide umina, me wija wido dakii tijake aki ijeida ko maakodo ijeida kaawegata kouja, aki maakodo bokoutoudaiga ke-wo mana kodo.

⁴Ani joko ka ideide dimi wo etige ko beu, kou ko ani jokaane maakodo bokoutoudaiga enaa ke-wo mana juwii kodo.

⁵Ei, noogei didé, aki enanaa kidi tumaana agijo enakeneka bagee eedadai kou ko, okei duwa jawe-tai bagee kede.

⁶Akija ipa dimi ku ko okei maakodo gai uguupuguu jumaapa kaawegaategai; Ugatame jakei tija epeepeidaiga eumigope ko enaa.

⁷Tuhanja eka kodo maida make okei uwijake ojaa bageepa make ageja jamotii beu.

⁸Kojoka inii kou dani bagee ejakimakija, maakodo bokouto duba ookei te-tai bagee ke-tita.

⁹Mana muto wija wido maakodo gai uguupuguupa ebijaatega, kodeja Dioterepes kidi, ibo kaine gata kidi najuwai beu tita.

¹⁰Kojoka ani jawipa ko, okaija kei teete mana kodo gaita, peu mana niduwaate kidi. Kou to ko beu, okai keneka bagee kede ejakimakai ko beu, daana ejakimakaine bagee kede kuwei menijake maakodo gai uguupuguu duba make eepekumita.

¹¹Ei, noogei didé, peu komuga komugaida te epei, kodeja enaa komuga to. Enaa agijo ekowa-tai bagee epauto ko Ugatame; peu agijo ekowa-tai bagee kede Ugatame edou beu bagee.

¹²Utoma bagee ka Demeterius maida make enaa mana jawegai, daana maakodo bokouto ka maija; ani maija enaa mana jawegai, daana anija wegaja mana ko maakodo aki epi.

¹³Ani mana muto ewaga kaaebijaine kodeja ebijai agijo ka te kei taine.

¹⁴Ibopo umii beu kidi kadoune dimi gai, tijake inii enajumaapa mana aawegaitage.

¹⁵Kojáá tou. Iniija noogeimaido kojáá tou katii. Iniija noogeima me nana nana kojáá tou kiteegi naaetii.