Read Ekari EWAIDA 10 Bible Online

EWAIDA 10 - Ekari bible

EWAIDA 10

¹Tijake joko ka egoninigi jaetigo-tai me ani edou, epaawadoopa make mijo meete, jabai ka etonimakita; migo wado wajamo kobeigido makijawita, dana ebepeka ko meuka dani; bado ko bodija wii dani bukaa.

²Okaija ganeida mijo kapogeije kebadoke ti-toojogo; okaija etikaato bado maikaida kagaapi tijawii, daana akaato bado adaida wo kagaapi tijawii.

³Tijake ibo mana wuu, singa kogee tija dani bukaa; okai mana wuu tijake gekamugu pituwo kede mana tai.

⁴Gekamugu pituwo kede mana tijake ko ani ebijaine keega, kodeja epa maida make mana wuu juwii, eneete mana, „Gekamugu pituwo wegata mana kodo bida peu boonimakijake te ebijai,” enita.

⁵Tijake maikaida ma adaida ma joonidoke tita jaetigo-tai ani edota ka kidi etikaato gane epa doodoo wadoo tai.

⁶Ajii tai imo kidi to togoo me kidi, kii ke epa ma kou duba ka agijoudo ma komugajawita kidi, daana maki ma kou maida ka agijoudo ma komugajawita kidi, maikai ma kou duba ka agijoudo ma komugajawita kidi, okai kii kidi maida baita makii, wagi muumai mana kodo.

⁷Kodeja pituwaago ka jaetigo-tai kidaa mitoopi ewiitagi gaa, Ugatameja boone-boone mana kodo, jakei tei tita douja dota bageepa etita danite boko duwadoke taita.

⁸Tijake epa maida make juwita mana wuu kodo kigeena ma mana naawegajake eneete mana, „Maikaida ma adaida ma joonidoke tita jaetigo-tai kidaa ganeida make kapogeije ko motigou,” enita.

⁹Tijake jaetigo-tai kidiipa ani uwijake eteete mana, „Mijo kapogeije ki naimai.” Etijake okaija eneete mana, „Motijake nojawii. Akija modo enege katijawiipiga, kodeja akija ebe duba igi enaa, dokone odijo dani,” enita.

¹⁰Tijake jaetigo-tai kidi ganeida make api mijo kapogeije kidi motijake nojawii. Ani ebe duba igi enaa dokone odijo danite, daana nojawijake ko ani modo enege.

¹¹Tijake okaija eneete mana, „Aki wadaato douja dojawii beu kai peu, me magoona maida, daana me tuma magoona maida, mana gimo magoona maida, daana jakimake-tai magoona maida,” enita.