Read Ekari EWAIDA 11 Bible Online

EWAIDA 11 - Ekari bible

EWAIDA 11

¹Kopa dani ebijadou naimijawita, tijake eneete mana, „Uwijake Ugatameja owaa ma, jo-menijaida ma, kouda kodaa migaakobe teigai bagee ma ebijado ti-motii.

²Kodeja juwouda jato ko jaikijake te ebijadou; ojaa bagee maida jajaikita kouja, daana jimubeu makijo kodo okei agoo wija ma mepiija daimina taitai.

³Daana ani mana aanawega-tai wija kede bida agijo ani meniita; naago seribu dua ratus enam puluh me peuda ka kagaba aamakijake ko douja aadoutai.

⁴Kei ke zaitun uti wija kei, daana lampu make-taija, makiida maki utoma boko duwa-tai me jumaapa ka kede.

⁵Kou danite me ka okejai wija peepu etaine ga-toojogo, bodija okejaija ka ebe duba make podomijake akaije ootita bagee kede wei kogi etijawii. Me ka okejai peepu etaine ga-toojogo, okai kou daniidaiga bokai.

⁶Okejai wija epa bida peu kidi aajekame-tita tijake bida jago, okejaija douja aado-tai wagiida edi te we-tita, daana uwoudo maida bida jago, emo aawe-tita, daana e peu te peu ka makiida maki utoma tagime-tita, okejaija ide aagata gaa.

⁷Okejaija aawega-tai mana kodo boko duwajawijake ko, ego jago jina agaagumugu duba make wadouwe kita kidaa akaije ootaitagi. Okai daba ejaikijake wagimakaitagi.

⁸Okejaija ka bokata má jato wija kodo ibo makijo ka ita maida aatoutai, ena dani awijakeidaiga Sodom ma Masir ma ebatita makijo, okeija Tuhan pija boko maida edajawitaida kodaa.

⁹Agapi ebeebe ka wii me jokaija kedaa okejaija ka ma jato kodo edootaa taitai, kou ko, me uguwo gakita, me epa gakita, mana gimo gimouja, me tuma tumaija; daana me oka emakaine te ejaikaitai.

¹⁰Tijake makiida maki utoma okejai maida make ideide taitai; okei kijai to tigoo tijake akamene taitai, douja aadota wija kedaa makiida maki utoma peepu aatigoo tei tita kouja.

¹¹Agapi ebeebe ka wii muumai tijake ko Ugatameepa make ebe puu okejai duba kita, tijake aanigojake aajoonidaa tai. Edota bageido utoma weda umina.

¹²Tijake ibo mana wuu epaawadoopa make okejai wija kedeepa „Wado aamewei” wuu eteete mana kodo meido juwii. Tijake okejai wija tá kapagu duba epaawado wadouwe aakita, daana be egata bagee utoma edou.

¹³Okai kou gaa kodo maki pigi umina, tijake ibo makijo gaatijago kabuuda bogomai; maki pigi kouja me ida tudjuh ribu bokai; jago kaija weda umina gajake epaawado ka Ugatame kidi ibo ejaikai.

¹⁴Wijaago ka me damii agijo ibo kodo wokaato kita. Dodou, widaago ka egaa kodo meineega.

¹⁵Pituwaago jaetigo-tai kidaa mitoopi ewijake ko epaawado ibo mana wuu magoona ewaa kai, wegaate mana, „Makiida maki utoma jakimakai mana kou ko iniija Tuhan maida kita, daana okaija Keristus maida; okai jakimakaitagi imo kidi to togoo.”

¹⁶Tijake Ugatame jegeenaka animakaida bobe animakita ka iboudo me ida wii ma mepiina kede mijouga kijake Ugatame migaakobe etai,

¹⁷kei teete mana, „Inii muta katuwai, ei, Ugatame, e boko te boko duwa-tai me, e bida te bida kidi, tou to me, tota me; akija bida bokouto gojake makiida maki utoma bida peu kidi ejakimakita kouja.

¹⁸Maakodo gai beu bagee emoge gata, kodeja ito kou akija emoge kodo peu tidoke; daana bokata bagee boko petajawii putu keega; daana akija kakei te-tai daniido kei ke, douja dou bagee ma, jimubeu bagee ma, daana akeeka ibo kajaikita bagee ma, ibo beu mijo beu petege jawejawii putu; daana makiida maki utoma peu aweete bagee peu eewii putuuda.”

¹⁹Tijake epaawado ka Ugatameja owaa damo kebadoke tita, daana owaa duba Ugatameja togijawita mana awijaida ewaida keega; tijake paijaiwakii ma, ibo ninigi ma, gekamugu ma, maki pigi ma, ibo epa po ma, ewaa kita.