Read Ekari EWAIDA 15 Bible Online

EWAIDA 15 - Ekari bible

EWAIDA 15

¹Tijake joko ka dou beu agijo epaawado ani dou, ibo peguuto, agakato dani; kii ko jaetigo-tai ida pituwo kede peu agijo pituwo jago, wiwitiida ka kodo; okai kou maida kodaa Ugatameja emoge dimi kodo muumai tijawii kouja.

²Tijake papaadou peku dani bodija ma takabaka tita ani dou; daana jina kodo ma, ebijaabija ma, eka gake ma daba ejaikita bagee kodaa papaadou peku watija joonidaa tai; Ugatameja tekeuga ganeida doki-toojogo.

³Okei Ugatame jakei te-tai Musaja ebetaataa mana kodo ebetaataa tai, daana domba-Joka ebetaataa mana, kei teete mana, „Ibo no! daana agakato dani, Akija kei tita agijoudo utoma, ei, Ugatame, E bida te bida jago me, E boko te boko duwa-tai kidi, Pidou pidou ma, maakodo ma, akija kei tija utoma, Ei, utoma bagee ejakimakita me.

⁴Meija weda te kagajake akeeka ibo te kajaikija, ei, Tuhan? Aki kidi to jimubeu bokouto kidi. Utoma bagee mejake migaakobe kataitai, Akija boko peta-tai kodo ewaa tapa awita kouja.”

⁵Okai kou wadoutouga ani dojake epaawado ka mana wega-tai kagaba owaa damo kebadoke dou,

⁶tijake Ugatameja owaa duba make jaetigo-tai pituwo kede peu agijo pituwo jago podomai; jimubeu ataati kagaba makijawita, daana boko maida mas piti tagi atita.

⁷Ebe puu jago ida wii ka idaana kidaa jaetigo-tai pituwo kedeepa mas tapuja pituwo menii, ajii tai imo to togoo Ugatameja emoge dimi kodo ebetume tijawita.

⁸Ugatameja owaa kodo nakagi ka ebetume, Ugatameja ajiipi ma bida bokouto ma maida make, daana me idaana ma Ugatameja owaapa wadoujo te kija, jaetigo-tai pituwo ka peu agijo pituwo kede muumai tijaida to.