Read Ekari EWAIDA 20 Bible Online

EWAIDA 20 - Ekari bible

EWAIDA 20

¹Tijake jaetigo-tai idaana epaawado make mijo meete ani edou; agaagumugu kebajawe-tai agijo ganeida dokijake, daana pute buda ibo maija.

²Okai matokaato ka peka jago jina peguuto kodo ejakimakai; tika ka tota ugenija kodo, kou ko, Teege kodo; tijake seribu taun egadimimakai.

³Tijake agaagumugu duba eemigimakijake bida peu kidi taki atii, me tuma tumaija puja te euke-tita, seribu taun kei muumaida to. Okai kou wadoutouga mijo gaa ejaikai beu kai peu.

⁴Tijake jegeenaka animakaido ani dou, daana kei maida animakita bageepa boko petai mana boko jaduwajawita. Jesusja mana jawegai kouja, daana Ugatameja mana maida make ogo duwata bagee ajá tene kodo ani edou. Kei ke jina ma ebijaabija ma migaakobe etai beu bagee, daana jina tegee kodo okeija utugu maida gane maida edou beu bagee. Okei ija kijake Keristus ma enaimo seribu taun boko duwajawii.

⁵Bokata bageido jokokaido ija kai beu, seribu taun kei muumaida to. Kou ko edoga ka bokata bagee jupi make anigou kodo.

⁶Ideide no! jimubeu no! edoga ka anigou manaida okei didee motija bagee. Kei bagee maida wijaago bokai kodaa bida beu; kodeja okei Ugatame ma Keristus ma ka imam bagee, tijake seribu taun okai ma enaimo boko duwajawii.

⁷Seribu taun kei muumai tijawijake ko, Teege ejakimakitaida make epipikajawii.

⁸Okai podomijake makiida maki utoma puja eukai; kou ko Gog ma, Magog ma, japeepa kotuu etijawiine tijake. Gaki-toojogo ko maikaida ka í dani bukaa.

⁹Maki ibo tadiida wado mejake jimubeu bagee kotuu timakitaido ebobi-motii, daana ei gata makijo maija. Tijake bodija epaawado make mijo mejake wei kogi etijawii.

¹⁰Teege ki, puja eukita kidi bodija ma, nodogi peu nogaa ma, peku duba jamo eemigimakita; jina ma puja mana pitoke-tai kidi ma to-taida kodaa, tijake wanee agapi gaduwagoo to kii kidi imo to togoo.

¹¹Tijake wakijo jegeenaka animakaida peijo ani dou, daana kou maida animakita ka kidi. Okai jumaapa make maki ma epa ma wo igadoke tai, tijake totaida jadomakai beu.

¹²Tijake bokata bagee, ibo beu mijo beu, kou animakaida jumaapa joonidaa tai ani edou. Tijake kapogeijeido kebamakita. Joko ka kapogeije maija kebajawita, ajii kapogeije kodo. Daana bokata bagee kede kapogeijeido duba ebijamakita manaida kodaa boko japetajawita, okeija kei tita kei tita epeepeidaiga.

¹³Tijake maikai kodaa kou duba ka bokataido wado eekegajawii. Daana Boka ma Bokawouda ka ma kou duba ka bokataido wado eekegajawii. Daana okei utoma kei tita kei tita epeepeidaiga boko japetajawita.

¹⁴Tijake Boka ma Bokawouda ma bodija peku duba jamo emigimakita. Kii ke wijaago ka bokai, bodija peku kodo.

¹⁵Meija eka ko ajii kapogeije duba te do-toojogo ko, bodija peku duba jamo eemigimakita.