Read Ekari EWAIDA 22 Bible Online

EWAIDA 22 - Ekari bible

EWAIDA 22

¹Tijake gei tai uwo onee namuwakai, jitijouto, Ugatame ma domba-Joka ma jegeenaka animakaida make waino tijake.

²Ibo makijo ita epouda kodaa, daana onee auwe jokouwe kodaa ajii tai pija uti; uta tuma wija ma gaati go-tai; agoo gakita uta go-tai; pijaije kodaa me tuma tumaija ka didi jaojawija.

³Okai kouda make wado peu kugouto beu; kodeja Ugatame ma domba-Joka ma jegeenaka animakaida kou duba tou to; daana jakei te-tai bagee migaakobe etaitai.

⁴Okaija ebepeka okei edoutai; daana okaaka okeija utugu maida ebijamakita.

⁵Kouda kodaa wanee beu kodaa; lampu ma meuka ganimakai ma gai peu ko beu, Ugatame e boko te boko duwa-tai kidaa eganimakaitagi kouja, tijake okei maki jakimakaitai, kii kidi imo to togoo.

⁶Tijake okaija eneete mana, „Kei manaido enanauto ma maakodo ma. Mana wude-tai ka roh kodo boko duwa-tai me Ugatame kidaa jaetigo-tai ebadikumita, jakei te-tai bageepa ewaa kaine manaido emuwakaine tijake.

⁷Juwidou, ani egaa meita.” Kii kapogeije douja dojawita mana jakimakai bagee ideide no!

⁸Ani ki Jahja kidi kei manaido juwii ma dou ma tai. Ani juwii ma dou ma tijake namuwakita ka jaetigo-tai kidi jumaapa mijouga kai, migaakobe etaine tijake.

⁹Kodeja okaja eneete mana, „Kou dani ko beu kojoka! Ani na aki danite jakei te-tai me kidi, aki keneka bagee dani, daana mana wude-tai dani, daana kii kapogeije ebijata manaido jakimakai bagee dani. Ugatame migaakobe etai.”

¹⁰Tijake eneete mana, „Kii kapogeije douja dojawita manaido te boonimakai, putu kapa kouja.”

¹¹Peu kei te-tai kidi peu kei te-wo enaa. Jimu anija bagee kidi jimu ane-wo enaa. Maakodo me kidi maakodo kei te-wo enaa. Jimubeu kidi jimubeu ke-wo enaa.

¹²Juwidou, ani egaa meita, abu pai mana ma; me gakita kei tita kei tita epeepe abu japaine tijake.

¹³Ani ki Alif ma Ja ma; edoga kidi ma, momogiida kidi ma; epauto ma ketagouto ma.

¹⁴Okeija kagaba witogita bagee ideide no! ajii tai pijaapa jawiine tijake enaa ke-tita, daana ibo makijo kodo damouga wadoujo ke-tita.

¹⁵Juwouda kodaa dodi ma, kego te-tai ma, mogai te-tai ma, me wagimake-tai ma, enija migaakobe te-tai ma, puja mana ide gajake kei te-tai bagee ma.

¹⁶Ani ki Jesus kidaa anija naetigo-tai kidi akeepa kaaebadikumii, maakodo gai uguupuguudo kou mana jawega-tita. Ani ki Daud Epa ma, Ijoo ma, pá timige teete Awega kidi.

¹⁷Roh ma waka ebukita kodaa ma „Mei” aawegai. Juwija me kidaa „Mei” to wegai enaa. Uwo naidi bagee mei to enaa; meija ide gapi, gei tai uwo ojaa to moti-miwei.

¹⁸Kii kapogeije douja dojawita manaido juwii bagee utoma ani kiti-kinii: Kou danite me idaana tumaana agijo tawajawipi, kii kapogeije duba ka peu manaido Ugatame jatawajawiitagi.

¹⁹Daana kii kapogeije douja dojawita mana me idaana jaikipi, ajii tai pija ma, jimubeu makijo ma, okai didee Ugatameja jaigajawiitagi, kii kapogeije duba ebija manaido kodo.

²⁰Kei manaido wega-tai me kidaa, „Beu maa kou ani egaa meita” wegai. Amin. Ei, Tuhan Jesus, me-ati!

²¹Iniija Tuhan Jesus jikoo bokouto jimubeu bagee utoma boko jaduwajawii. Amin.