Read Ekari EWAIDA 6 Bible Online

EWAIDA 6 - Ekari bible

EWAIDA 6

¹Domba-Joka kidaa topi atita kodo kato gokodijawii ani edou. Tijake ani juwii, ebe puu jago ida wii kede idaana gekamugu dani wegaate mana, „Medodou” wegai.

²Tijake ani dojake ako kuda idaana, daana kou wado animakita me kidi ukaa jago; petege jawejawita, tijake petee kita manaidaiga podomai, petee kaine tijake.

³Domba-Joka kidaa wijaago ka topi atita kodo gokodijawijake ko, wijaago ka ebe puu jago kidaa „Medodou” wegaate ani juwii.

⁴Tijake joko ka kuda idaana podomai, emo epoo; kii wado animakita me kidiipa bida agijo menita, muka-muka makiidaapa make beu awe-tita, tijake me akawagimake to tigoo; dedaana kataana peijo menita.

⁵Domba-Joka kidaa widaago ka topi atta kodo gokodijawijake ko, widaago ka ebe puu jago kidaa „Medodou” wegaate ani juwii. Tijake buna kuda idaana ani dou; daana kou wado animakita me kidi ebijadou agijo ganeida doki-toojogo.

⁶Tijake ebe puu jago ida wii jupi ani mana wuu dani juwii, wegaate mana, „Gandum ebijadou kato megeena age; daana djelai ebijadou wido megeena age; minjak ma utaadijo ma peu taawe-tita dou.”

⁷Okai wiijago ka topi atita kodo gokodijawijake ko, wiijago ka ebe puu jago kidaa „Medodou” wegai ani juwii.

⁸Ani dojake gakobago dani kuda; daana kou wado animakita ka kidi eka ko Boka, daana bokawouda eepei; okeija wija makiida wiijago kabuuda maida bida agijo menijawita, kataana ka ma, naidi ka ma, boka ka ma, makiida ka ego jago jinaido ka ma wage-tita.

⁹Domba-Joka kidaa idibaago ka topi atita kodo gokodijawijake ko jo-menijaida mijo kodaa wagimakita bagee ke aja tene kodo ani edou; okei Ugatameja mana maida make wagimakita, daana okeija jakimakita mana maida make.

¹⁰Okei kuutaka emeeme teete mana, „Menoka gaa, ei, Tuhan, jimubeu bokouto, maakodo bokouto jago me, aki boko petai putu duwai kodo, tijake iniija ka emo kodo makiida ka bagee maida abu nijapai?”

¹¹Tijake okei me gakita pokade kagaba woja menijawita, daana mijo gaa kodo kojáá towei etii, okei ma ookei te-tai bagee ma, enakenekaane ma, wagimakaine bagee egakeete tiki taitaida to, okei na wagimakita danite.

¹²Domba-Joka kidaa benumaago topi atita kodo gokodijawijake ani dou, maki pigi umina; buna kagaba dani meuka wanee kidoke tai, daana agoo kodo emo epoo to kai.

¹³Daana epa maida ka ijapuudo makiida kigimidaa, ara uti duwo uta kigimidaa dani bukaa, jajaukija ka.

¹⁴Daana epa ko wo igadoke tai, kapogeije demija danite; daana bago gakita ma, uwouja okogo gakita ma, okeija to-taida make wo enakeenake tidaa tita.

¹⁵Tijake makiida ka maki jakimake-taido ma, ekaagoudo ma, jape migougu jamake-taido ma, tonawiido ma, bida jagoudo ma, me utoma kede, ejakimakita bagee ma, ojaa tota bagee ma, okei utoma bijo duba ma, bagouda ka mogo pataga tidaa duba ma boonidaa tai;

¹⁶bagoudo ma mogoudo ma manaa-teete mana, „Inii nitagimiwei, jegeenaka animakaida animakita ka kidi ebepeka maida make niwatei, daana domba-Joka emoge kodo maida make maija;

¹⁷okejaija ka emoge putu naago ibo keega kouja, daana meija joonimakija?”