Read Ekari EWAIDA 8 Bible Online

EWAIDA 8 - Ekari bible

EWAIDA 8

¹Domba-Joka kidaa pituwaago ka topi atita kodo gokodijawijake ko, epaawado ibopo beu gaa gabo tou.[5]

²Tijake Ugatame jumaapa jaetigo-tai pituwo joonidaa ti-toojogo ani edou, daana mitoopi pituwo menijawita.

³Tijake joko ka jaetigo-tai me mas tapuja ma mejake jo-menijaida watija joonidoke tai; unu enaa agijo wedaba menijawita, jimubeu bagee ka sembahjang manaido ma takabaka tijawetita, mas jo-menijaida kodaa jegeenaka animakaida jokouto.

⁴Tijake unu enaa agijo nakagi kodo jimubeu bagee ka sembahjang manaido ma enaimo jaetigo-tai me kidaa ganeida make wado pudu pudu to tigoo, Ugatame jumaapa.

⁵Tijake jaetigo-tai kidaa mas tapuja kodo motijake jo-menijaida ka bodija awimakijake makiida mijo pii atii; tijake gekamugu tigoo ma, ibo ninigi ma, wawakii ma, maki pigi ma.

⁶Tijake jaetigo-tai pituwo mitoopi pituwo jakita bagee kedaa ewiine tijake epeepi timakai.

⁷Edoga ka jaetigo-tai kidaa mitoopi ewijake epa po ma, bodija ma, daana emo ma takaa tita, makiida mijo kigii tidaa; makiida widaago kabuuda bodija wei kogi tijawita, daana pijaido widaago kabuuda, daana ija boudo utoma wei kogi tijawita.

⁸Wijaago ka jaetigo-tai kidaa mitoopi ewijake bago peguuto dani bodija ka noote maikaida emigita,

⁹tijake maikai widaago kabuuda emo kidoke tai, daana maikaida ka ija boko jago daniido widaago kabuuda bokai; daana kapal komaido widaago kabuuda gakumidaa.

¹⁰Widaago ka jaetigo-tai kidaa mitoopi ewijake ijapu peguuto epa maida make gootai, pito wii dani, tijake uwo oneido widaago kabuuda maida gootai, daana uwo puduu maida.

¹¹Ijapu eka ko Afsantin.[6] Uwo widaago kabuuda afsantin kidaa tai, daana me wedaba uwo maida make bokai, enege kita kouja.

¹²Wiijago jaetigo-tai kidaa mitoopi ewijake meuka widaago kabuuda peu awii; daana agoo widaago kabuuda, daana ijapuudo widaago kabuuda, tijake okeija ka pá kodo widaago kabuuda wanee kita; agapi widaago kabuuda ganimakai beu, daana wanee maija widaago kabuuda.

¹³Tijake ani dojake tuba idaana epa ma maki ma bedeidaiga kagabina teetigo ibo mana emeeme teete mana, „Ipa no! ipa no! ipa no! makiida maki utoma ka bageido, joko ka mitoopi wido maida make, jaetigo-tai wido kei mitoopi ewiineegai ka kodo.”