Read En Ngixo 1 Tesalonicenses 5 Bible Online

1 Tesalonicenses 5 - En Ngixo bible

1 Tesalonicenses 5

¹To⁴nca³ tˀa³tsˀe⁴ jo³ chon³ ni⁴čhjin³, jo³ chon³ son³ˀnte³, li²jme³ xi³ ma³chjen¹-no³ ntsˀe³² nca³ squi³-no³.

²Je³na²nta³ ˀyao³ nca³ je² ni⁴čhjin³-le⁴ Nai³-na¹ cjoa⁴ˀai¹ jo³-ni³ tsa² che¹ nca³ ni⁴tjen⁴.

³Cˀia⁴ nca³ cˀoa⁴coi⁴tso⁴: Jo³ nta³ nchˀan¹ ti³yoa³². Ni⁴jme³-jin² xi³ coan⁴-na¹. Cˀia⁴² cjoa⁴ˀai¹ne²-le⁴ˀni³ nca³ coi⁴xo⁴ya³ nti⁴ton⁴, jo³-ni³ tsa² jnco³ chjon⁴² xi³ fi³cho² hora-le⁴ nca³ ˀnti¹ cˀoe⁴². Ni⁴ˀya³-jin² xi³ cha⁴tˀa³-le⁴.

⁴To⁴nca³ jon², ntsˀe³², li²coi³ ti³yo³njion²³, jme¹-ni³ nca³ je² ni⁴čhjin³-vi⁴ cjoa⁴ˀai¹ne²-si¹ni³no³ jo³-ni³ tsa² che¹.

⁵Nca³tsˀio³ i³sen³ tsaon⁴³, ni⁴čhjin³ tsaon⁴³. A³li² tsa² cho⁴ta⁴ni⁴tjen⁴ cho⁴ta⁴njion²-jian².

⁶Coi³ cjoa⁴ a³li² sa¹yo³fe²-jian² jo³-ni³ tsa² je² xi³cˀa³, to⁴sa³ coi⁴yo³chon³-nia¹, nˀion¹ to⁴jvi³ coan⁴nquin¹coa⁴² yao³-na¹.

⁷Je² xi³ fa³yo³fe², fa³yo³fe² nca³ njion², cˀoa⁴ je² xi³ chˀi⁴, chˀi⁴ nca³ njion².

⁸To⁴nca³ ña¹ xi³ ni⁴čhjin³ tsan⁴², nta³ tjain¹coa⁴² yao³-na¹. Je² xi³ ma³cjain¹-na¹, je² cjoa⁴tjao²cha³ ca²ta³sˀe³-na¹ jo³-ni³ tsa² chi⁴nca³qui⁴cha⁴ xi³ so³nta²do⁴ yˀa³cja¹. Je² cjoa⁴cho³ya²cao⁴cjoa⁴ nca³ coi²tjo⁴ntje² ca²ta³sˀe³-na¹ jo³-ni³ tsa² xo³mpe³qui⁴cha⁴ xi³ cji³son²-le⁴ so³nta²do⁴.

⁹Li²coi³ xa¹ qui³si³qui³ncha³nta³-na¹ Ni³na¹ nca³ cjoa⁴jti³-le⁴ sˀe⁴-na¹, to⁴nca³ sˀe⁴-na¹ cjoa⁴vi³tjo³ntjai² xi³ to⁴tˀa³tsˀe⁴ Nai³-na¹ Jesucristo.

¹⁰Jesucristo cˀen³ xi³ tˀa³tsan⁴², jme¹-ni³ nca³ cˀoa⁴-sˀin² coi⁴yo³-nia³² cao⁴ je², nta³ tsa² coi⁴yo³choan³², nta³ tsa² coi⁴yo³fe².

¹¹Cˀoa⁴-sˀin² nca³ˀi⁴ nca³jan¹ ti⁴je³ta³con² xi²nquio⁴³, tˀai²-sa³lao⁴³ nca³nˀion¹ xi²nquio⁴³, jo³-sˀin² ti³ma³nˀiaon²³. Pablo vˀe¹ne²-le⁴ ntsˀe⁴

¹²Vˀe²tsˀoa³-lai²⁴jin⁴ ntsˀe³², nca³ jcha⁴xcon¹³ je² xi³ si¹xa¹jin³-no³ nca³ jon², xi³ vi³ncha³ti¹tjon²-no³ nca³ ti³yo³cao⁴³ Nai³-na¹, xi³ tso²ya³-no³.

¹³Nˀion¹ nta³ jcha⁴xcon¹³, ca²ta³ma³tsjoa³chao³, xi³ to⁴tˀa³tsˀe⁴ xa¹-le⁴. Nchˀan¹ ti⁴yo³cao⁴³ xi²nquio⁴³.

¹⁴Cˀoa⁴-ti⁴sˀin² vˀe²tsˀoa³-lai²⁴jin⁴, ntsˀe³², nca³ tˀe²ne²-lao⁴³ je² xi³ to⁴xquia⁴ chˀao³-sˀin² tjio¹ma³. Ti⁴nˀion¹-con²³ xi³ choa³ tjio¹con³, ti⁴ncha³cao⁴³ xi³ tsin²-le⁴ nca³nˀion¹-jin², ti⁴cjain¹-lao⁴³ nca³tsˀi³.

¹⁵Ti⁴coi²ntao³ yao³-no³ nca³ ni⁴ˀya³-jin² xi³ ca²ta³si¹cˀo¹fa³-ni³ jnco³ cjoa⁴tsˀen⁴-le⁴ xi¹ncjin¹. Ti⁴xi¹ti¹yao³ nca³ nta³ ti⁴cao⁴³ xi²nquio⁴³ nca³ntsjai², cˀoa⁴-ti⁴ nta³ ti⁴cao⁴³ nca³tsˀi³ cho⁴ta⁴.

¹⁶Tsjoa³ ca²ta³ma³-no³ nca³ntsjai².

¹⁷Tˀe²tsˀoao³ a³li² ni²cha³jin³-jion²³ nca³ntsjai².

¹⁸Tˀao²³ cjoa⁴nta³ nca³yi³je³, nca³ je²-vi⁴ xi³ me³-le⁴ Ni³na¹ tˀa³tsaon⁴³ nca³ ti³yo³cao⁴³ Cristo Jesús.

¹⁹A³li² vˀe²chjoa²-jin²lao⁴³ je² Espíritu Santo.

²⁰A³li² chˀa²sje³nqui³-jion²³ je² en¹ xi³ no²cjoa⁴ya³ tˀa³tsˀe⁴ Ni³na¹.

²¹Na²nta³ cho¹tˀa³jion³ nca³yi³je³. A³li² njion³-jion²³ jña³-le⁴ xi³ nta³ tjin¹.

²²Chja³ˀa²xin²-lao⁴³ yao³-no³ jña³-le⁴ nca³yi³je³ xi³ chˀao³ tjin¹.

²³Je² Ni³na¹ xi³ tsjoa¹ xi³ nchˀan¹ tjin¹, ti⁴je²-ni³ Ni³na¹ ca²t³si¹tsje³ya³-no³ nca³yi³je³, cˀoa⁴ je² espíritu-no³ cao⁴ ni⁴ma⁴-no³ cao⁴ yao³-no³ ca²ta³ma³coi²nta⁴ nca³ cji³jnco³, nca³ tsi²jme³ je¹ tjin¹-le⁴ cˀia⁴ nca³ cjoa⁴ˀai¹ Nai³-na¹ Jesucristo.

²⁴Je² xi³ qui³nchja⁴-no³, je² cjai¹nca³ nˀion¹tˀa³con³, cˀoa⁴ je² cˀoa⁴-ti⁴ cˀoa⁴sˀin⁴². Cjoa⁴ni²ti²ˀnta³ xi³ fe³tˀa³

²⁵Ntsˀe³², tˀe²tsˀoa³ntjai²-na³jin⁴.

²⁶Ti⁴ti²ˀntao³ nca³tsˀi³ ntsˀe³², nca³ tsje³ tˀe²tˀa³tsˀoa³-lao⁴³.

²⁷An³ vˀe³ne²-no³ xi³ to⁴tˀa³tsˀe⁴ Nai³-na¹ nca³ je² xon⁴ ca²ta³sˀe³xquia⁴-le⁴ nca³tsˀi³ ntsˀe³².

²⁸Je² cjoa⁴nta³-le⁴ Nai³-na¹ Jesucristo ca²ta³sˀe³-no³. Cˀoa⁴ ca²ta³ma³.