Read Ewondo Ekm 10 Bible Online

Ekm 10 - Ewondo bible

Ekm 10

¹Ndò mëngayen englès mfë atoa ngul abui akpaa a yob, abëgë nkut a nyòl, ndutum otoa nyè a nlo, asu die atoa anë nlo-dzobo, mëkol moe anë mëndie më ndoan,

²abëlë man kalara ayoo a wò woe; ndò angatele akol mbo-nnomo die a maṅ, e di mbo-ngala a nkot si,

³ndò angabam a yob ete anë eyòṅ emgbëm yabon. Eyòṅ angabam nala, bënkulu zamgbal bëvë hm kiṅ dzaban.

⁴Eyòṅ bëngavë kiṅ dzaban, mëngayi hm til, ndò mawog kiṅ esòò a yob, ndò yadzo na: Fëdë e mam bënkulu bëhë dzo ai zitam, të watil mò.

⁵Ndò hm englès mëngayen atëlë a maṅ ai a si, angabede wò mbo-nnomo woe a yob,

⁶akani sòṅ a bë e nyò avëë a bisëb bisëb, e nyò angakom yob ai e byem binë ete, akomo si ai e byem binë ete, maṅ ai e byem binë ete, na të abog labad tëgëlan,

⁷dzam da, e mëlu ya englès zamgbala ayi lòṅ, eyòṅ ayi sò na azu lòṅ tòṅ dzie, abog te ndimba Zamba yayi dzalëban, akyaè angayedan bësye boe, bëprofèt.

⁸Ndò e kiṅ mëngawog esòò a yob yadugan dzo ai ma na: Këlë nòṅ e kalara[33] ayoo a mò më englès atëlë a maṅ ai a si.

⁹Ndò mëngakë abë englès, ma ai nyè na avë ma man kalara. Nyè ai ma na: Nòṅò, omana nyè di, ayi bò na abum amana wa yol, dzam da ayi wa bò ezëzëk a anyu anë woe.

¹⁰Ndò mënganòṅ man kalara a wò englès, mëmana nyè di, atoa ma a anyu anë ezëzëk woe, dzam da amana mëngamana nyè di, abum antoa ma ayol ayol.

¹¹Bò ai ma na: Ongënë oyean bò esye profèt asu abui mëyom ai mëyòṅ, asu minkòbò ai bidzoe.