Read Ewondo Ekm 5 Bible Online

Ekm 5 - Ewondo bible

Ekm 5

¹Ndò hm mëngayen kalara[19] atoa ntilan a nnëm ete ai a nsëṅ, a mbo-ngala e mod angabë atoa a etoa-ati, kalara te atoa mfëdan ai zitam zamgbal.

²Ndò mëngayen ngungul englès, oyedëgan a yob ete na: Za akyëbë na ayaè kalara, atii zitam dzie?

³Mod ziṅ tègè ai ngul te tò a yob, tò a si, tò a bëkon, na ayaè kalara ngë abëbë nyè.

⁴Ndò mëngayon abui, amu bandzëki yen mod ziṅ ya akyëbë na ayaè kalara ngë ki abëbë nyè.

⁵Ndò mbòg ya minnom mi bod adzo ai ma na: Të wayon; yënë! Emgbëm ya ayòṅ Yuda, efalan David, ekui zingi na ayaè kalara ai zitam dzie zamgbal.

⁶Ndò mayen, a zaṅ etoa-ati ai e tsit enyii nyi, ai a zaṅ minnom mi bod, ntomba[20] otëlë, hë anë bëtsig ya wò, obëlë tòṅ zamgbal ai mis zamgbal, mbiè binë minsisim mi Zamba zamgbal ya balom a si esë.

⁷Ndò angasò, anòṅò kalara a wò mbo-ngala e mod angabë atoa a etoa-ati.

⁸Eyòṅ anganòṅ kalara, e tsit enyii nyi ai minnom mi bod mintèd minyii mi, bëkuu ntomba osu, bëbëlë anë mod mvèt ai kòb mvòt etoa ndzalan ai otu, mbiè binë ngogëlan mimfufub,

⁹bëngayia mkpamaṅ dzia, bò na: Wakyëbë na onòṅ kalara, oyaè fë zitam dzie, amu bëngatsig wa kiṅ, ndò ongakus bod asu Zamba a mëki moe, bod ya nda-bod esë, ai minkòbò misë, ai ayom asë, ai mëyòṅ mësë,

¹⁰ndò ongabò na bëbò bod bë edzoe ai bëfada asu Zamba, ndò bayi dzoe a si.

¹¹Ndò mëngayen, mëwogo kiṅa bui benglès a nkòran etoa-ati, kiṅ tsit ai minnom mi bod, taṅ dzaban etoa bakuda bakuda, ezòb ezòb,

¹²bëkòbògò a yob ete na: Ntomba ya bëtsig wakyëbë na onòṅ ngul ai akuma, ai fëg, ai fim, ai olugu, ai duma ai mëtaman.

¹³Ndò fë ekokoma esë enë a yob ai a si, a bëkon ai a maṅ, ai e byem bisë binë ete, mëngawog bidzoo na: Ongëmë, olugu, duma, ai fim bibòò ai e mod atoa a etoa-ati fufulu ai ntomba fë a bisëb bisëb.

¹⁴Ndò tsit enyii engadzo na: Amen. Minnom mi bod milaban a si, mingakogëlan.