Read Ewondo Ekm 8 Bible Online

Ekm 8 - Ewondo bible

Ekm 8

¹Eyòṅ angayaè e zitam zamgbala, ndò yob ongaku evol a ndiim, dzam bò etun awola.

²Ndò mëngayen e benglès zamgbal ya bëkëlë Zamba osu, ndò bëngavë bò tòṅ zamgbal[26].

³Ndò englès mfë angasò, atëbë a alatar abëlë ewuma mvòt, ndò bëngavë nyè abui otu asu yë na abaman wò ai ngogëlan mimfufub[27] misë a alatar mvòt ya anë etoa-ati osu.

⁴Ndò otsida otu ongabed a yob ai ngogëlan mimfufub a mò më englès a mis më Zamba.

⁵Ndò englès anganòṅ ewuma, adzala dzò ai maag më ndoan ya alatar, ndò awoa a si, antëm na hë eduṅ nkulu, ai bidim, zeyaṅ, si engatigëdan.

⁶E benglès zamgbal bëbële tòṅ zamgbal bëngakomëzan na balòṅ dzò.

⁷Ndò e nyò osu alòṅ. Mëtaag ai maag më ndoan, bitoa mbaman ai mëki bingadabëda a si. Efas si lala emana dig, efas bile lala emana dig, kye bilòg esë emana dig.

⁸Ndò englès bèè angalòṅ tòṅ. Ndò labò hë anë mod nkol adigi a ndoan, ndò angaku a maṅ, efas lala ya maṅ entoa mëki,

⁹efas lala ya bikokoma bianyiṅ a maṅ, a bibëlë enyiṅ, biwuu; Efas lala ya mal ya maṅ bimana ndaman.

¹⁰Ndò englès lala angalòṅ tòṅ: ndò mod otitie angasòdan a yob, ayoṅo anë ngoe, ndò angaku efas asoe lala a yob, akuu fë a bitam mëndim,

¹¹dzoe otitie te anë na absinta; efas lala ya mëndim entoa hë ngom, ndò abui bod bëngawu mëndim mëte amu mëngamana vëṅan ayol ayol.

¹²Ndò englès nyiina alòṅ tòṅ. Ndò angadzimbi efas lala ya nlo-dzobo, ai efas lala ya ngòn, ai efas lala ya atitie, asu yë na efas lala ya ete eku a dibi, efas lala ya amos tègè fë ai mfyè, alu fë hë dibi dzam dëda.

¹³Ndò hm mazu yen, mëwogo fë anë ndoe dzia yayëlë a yob ete, edzoo a yob ete na: Amala, amala, amala ai e bod bëtoa a si. Benglès bëfë bëlè bò bëngazu ya lòṅ tòṅ.