Read Falam Chin SEEMTIRNAK 17 Bible Online

SEEMTIRNAK 17 - Falam Chin bible

SEEMTIRNAK 17

¹Abram cu kum sawmkua le kum kua a si tikah BAWIPA a hnenah a lang ih, “Keimah cu Ziangkimtithei [19] Pathian ka si. Na nunsung hmuahhmuah ka thu thlun awla soisel lomi si aw.

²Ka thukam na hnenah ka tuah ding ih tesinfa tampi ka lo pe ding,” ti ah a ti.

³Cule Abram cu a hmai leilung dai in a kuun ih Pathian in,

⁴“Nangmah thawn ka fekter dingmi ka thukam cu hihi a si: Leilung tlun miphun tampi cithlahtu na si ding, ti ah ka lo kam.

⁵Na hmin hi Abram[20] si nawn loin, Abraham [21] a si thlang ding; ziangahtile miphun tampiih pa ah ka lo tuah ding.

⁶Tesinfa tampi ka lo pe ding ih a hrekkhat cu siangpahrang tla an si ding. Tesinfa tampi na nei ding ih miphun tampi ah an cang ding.

⁷“Ka thukam cu ka fekter ding ih nangmah le na tesinfa pawl hnenah, sankhat hnu sankhat, kumkhua daih thukamnak a si ding. Keimah cu na Pathian ka si ding ih na tesinfa pawl ih Pathian khal ka si ding.

⁸Atu na umnak ram, mikhual na sinak ram hi nangmah le na tesinfa hnenah ka lo pe ding. Kanaan ram hmuahhmuah hi kumkhua in nan ta a si ding ih keimah cu nan Pathian ka si ding,” ti ah a ti.

⁹Cuih hnuah Pathian in Abraham hnenah, “Nangmah khal in ka thukam cu na fekter pei ih na thlun pei; na tesinfa pawl khal in sankhat hnu sankhat an thlun ringring pei.

¹⁰Nangmah le na tesinfa pawl in ka thukam nan fekternak dingah mipa hmuahhmuah in serh nan tan thluh pei.

¹¹Atu thokin mipa pohpoh cu ni riat an ti ni ah an serh nan tan ding; nan innsung suak sal siseh, ramdang ih nan leimi sal siseh, nan tan thluh ding. Himi cu keimah le nanmah karlakih thukamnak langtertu a si ding.

¹³Serhtan an si ṭheh ding; himi cu kumkhua in nan hnenih ka thukamnak a langnak dingah nan taksa parih hminsinnak a si ding.

¹⁴Serhtan lomi mipa cu ka thukam a thlun lo ruangah a miphun sung ihsin hlon a si ding,” ti ah a ti.

¹⁵Cule Pathian in Abraham hnenah, “Na nupi hi Sarai ti ah na ko nawn lo pei; atu thokin a hmin cu Sarah[22] a si zo.

¹⁶Sarah cu ka thlawsuah ding ih amah sung ihsin fapa ka lo pe ding. Ka thlawsuah pei ih miphun tampiih nu ah a cang ding. A tesinfa pawl sungin siangpahrang tampi an suak ding,” ti ah a ti.

¹⁷Cumi a theih tikah Abraham cu a hmai leilung dai in a kuun ih a hni; cule thu a ruat ih, “Milai in kum zakhat ti hnuah fa a nei thei pei maw? Kum sawmkua a ti hnuah hin Sarah in fa a nei thei ngaingai pei maw?” a ti.

¹⁸Abraham in Pathian hnenah, “Ishmael tal cu na hmaiah mithmai ṭha ngah hram seh,” ti ah a ti.

¹⁹Cutikah Pathian in, “Abraham, cutiin a si lo. Na nupi Sarah hrimhrim in fapa a lo hrin ding ih a hminah Isaak[23] ti ah na ko ding. Amah hnenah siseh, a tesinfa pawl hnenah siseh, ka thukam cu ka fekter ding. Ziangahtile kumkhua daih thukamnak a si.

²⁰Nang in Ishmael thu ah i dil ih ka thei zo; kei in ka tuah dingmi cu hiti in a si: Ishmael cu ka thlawsuah ding ih tefa tampi le tesinfa tampi ka pe ding. Amah cu siangpahrang hleihnih ih pa ah a cang ding. A tesinfa pawl cu miphun tumzet ah ka canter ding.

²¹Hmaikum tu tikcu ah Sarah ih hrin dingmi na fapa Isaak hnenah ka thukam ka hngetter ding,” ti ah a ti.

²²Cule Abraham hnenih thusim a ṭheh tikah Pathian cun a fehsan.

²³A cuih sun rori ah Pathian ih a simta vekin Abraham cun a fapa Ishmael le a sal hmuahhmuah, innsuak sal siseh, a leimi sal siseh, a innsungih a ummi mipa pohpoh, an serh a tan ṭheh hai.

²⁴Abraham cu serh a tan tikah kum sawmkua le kum kua a kim.

²⁵A fapa Ishmael cu kum hleithum a kim.

²⁶Cuih ni ah an pa fa, le

²⁷an innsungih a ummi sal hmuahhmuah thawn serhtan tlang an si.