Read Falam Chin 1 SANSIARNAK 2 Bible Online

1 SANSIARNAK 2 - Falam Chin bible

1 SANSIARNAK 2

¹Jakob in fapa hleihnih a nei ih Reuben, Simeon, Levi, Judah, Issakhar, Zebulun,

²Dan, Josef, Benjamin, Naftali, Gad le Asher an si.

³Judah in fapa panga a nei. A nupi, Kanaan nunau, Bathshua hnenah fapa pathum Er, Onan, le Shelah a nei. A fapa upabik Er cu a sualtuk lawmmam ruangah BAWIPA in a that a si.

⁴A fapa ih nupi Tamar hnenah fapa pahnih Perez le Zerah a nei.

⁵Perez in fapa pahnih Hezron le Hamul a nei.

⁶A nau Zerah in fapa panga a nei ih Zimri, Ethan, Heman, Kalkol le Darda an si.

⁷Karmi ih fapa Akhan[2] in BAWIPA ih hrangih serhmi thilri cu amah hrangih a ruk ruangah Israel mi parah mi siatsuahtu ah a cang.

⁸Ethan in fapa pakhat Azariah a nei.

⁹Hezron in fapa pathum Jerahmeel, Ram le Kaleb a nei.

¹⁰Ram ihsin Jesse tiang, an sungkhat ih cithlahtu pawl cu: Ram, Amminadab, Nahshon, (amah cu Judah hrinah hminthang zetmi a si),

¹¹Salmon, Boaz,

¹²Obed le Jesse an si.

¹³Jesse in fapa pasarih a nei. Upabik in nautabik tiang, a sangsang in Eliab, Abinadab, Shammah,

¹⁴Nethanel, Raddai,

¹⁵Ozem le David an si.

¹⁶Fanu pahnih Zeruiah le Abigail a nei. Jesse fanu Zeruiah in fapa pathum a nei ih Abishai, Joab le Asahel an si.

¹⁷A fanu dang Abigail in Ishmael ih tefa Jether a pasal ih fapa pakhat Amasa an nei.

¹⁸Hezron fapa Kaleb in Azubah a ṭhi ih fanu pakhat Jerioth an nei ih fapa pathum Jesher, Shobab le Ardon an nei.

¹⁹Azubah a thih hnuah Kaleb cun Efrath a ṭhi ih fapa pakhat Hur an nei.

²⁰Hur ih fapa cu Uri a si ih a fasuan cu Bezalel a si.

²¹Hezron cu kum sawmruk a ti tikah Makhir fanu, Gilead ih farnu a ṭhi. Fapa pakhat Segub an nei ih,

²²Segub in fapa pakhat Jair a nei. Jair in Gilead ramah khawpi kul hluanthum a uk.

²³Asinain Geshur le Aram ram pawl in khua sawmruk an lak ih Havvoth Jair le Kenath khua pawl le a kiangkap ih khawte pawl tla an tel a si. Cuih khawsungih ummi pawl cu Gilead ih pa Makhir ih tefa pawl an si.

²⁴Hezron a thih hnuah a fapa Kaleb in a pa ih nupi Efrath a ṭhi. Fapa pakhat Ashhur an nei; Ashhur cu Tekoa khawsattu a si.

²⁵Hezron fapa upabik Jerahmeel in fapa panga a nei. Upabik cu Ram a si ih a dang pawl cu Bunah, Oren, Ozem, le Ahijah an si.

²⁶Ram in fapa pathum a nei ih Maaz, Jamin le Eker an si. Jerahmeel in nupi dang Atarah a nei ih fapa Onam an nei.

²⁷

²⁸Onam in fapa pahnih a nei ih Shammai le Jada an si. Shammai in fapa pahnih a nei ih Nadab le Abishur an si.

²⁹Abishur in Abihail a ṭhit ih fapa pahnih Ahban le Molid an nei.

³⁰Nadab in fapa pahnih Seled le Appaim a nei; asinain Seled cu fa nei loin a thi.

³¹Appaim cu Ishi ih pa a si, Ishi cu Sheshan ih pa a si, cule Sheshan cu Ahlai ih pa a si.

³²Shammai nau Jada in fapa pahnih Jether le Jonathan a nei; asinain Jether cu fa nei loin a thi.

³³Jonathan in fapa pahnih Peleth le Zaza a nei. Himi pawl cu an zatein Jerahmeel ih tesinfa an si.

³⁴Sheshan cun fapa a nei lo, fanu lawng a nei. Izipt mi hnen-umpa pakhat Jarha an timi a nei ih,

³⁵cupa cu a fanu pakhat nupi ah a neihter. Fapa an nei ih Attai an ti.

³⁶Attai ih cithlahmi pawl cu a sangsang in Attai, Nathan, Zabad,

⁴¹Jekamiah le Elishama an si.

⁴²Jerahmeel ih naupa Kaleb ih fapa upabik cu Mesha a si. Mesha cu Zif ih pa a si, Zif cu Mareshah ih pa a si, Mareshah cu Hebron pa a si.

⁴³Hebron in fapa pali a nei ih Korah, Tappuah, Rekem le Shema an si.

⁴⁴Shema cu Raham ih pa a si ih Jorkeam ih pu a si. Shema ih u Rekem cu Shammai ih pa a si,

⁴⁵Shammai cu Maon ih pa a si, Maon cu Bethzur ih pa a si.

⁴⁶Cun Kaleb in nusun pakhat Efah a nei ih fapa pathum an nei: Haran, Moza le Gazez an si. Haran in fapa pakhat Gazez an timi a nei.

⁴⁷Jahdai in fapa paruk a nei ih Regem, Jotham, Geshan, Pelet, Efah le Shaaf an si.

⁴⁸Cun Kaleb in nusun dang a nei ih a hmin cu Maakah a si. Fapa pahnih an nei ih Sheber le Tirhanah an si.

⁴⁹Neta lamah a dang fapa pahnih Shaaf le Shevah a nei lala; Shaaf cu Madmannah khawsattu a si ih Shevah cu Makbenah le Gibea khawsattu a si. Kaleb in fanu pakhat Aksah an timi a nei.

⁵⁰A tanglam pawl tla hi Kaleb ih tesinfa an si. Kaleb le a nupi Efrath ih an hrinmi fapa upabik cu Hur a si. Hur ih fapa Shobal cu Kiriath Jearim khawpi sattu a si;

⁵¹a fapa pahnihnak Salma cu Bethlehem khawsattu a si; a fapa pathumnak Haref cu Beth Gader khawsattu a si.

⁵²Kiriath Jearim khawpi sattu Shobal cu Haroeh mi, Menuhoth ih a ummi miphun pawl ih a hrek,

⁵³Jearim khawpi ih a ummi a hnuailam ih hrin pawl, Ithri mi, Puth mi, Shumath mi le Mishrai mi pawl ih cithlahtu a si. (Zorah mi le Eshtaol mi pawl tla cu hi hrin pawl ih cithlahmi an si.)

⁵⁴Bethlehem khawsattu Salma cu Netofath mi, Atroth Beth Joab mi, Zor mi le Manahath ih a ummi a hrek pawl ih cithlahtu a si.

⁵⁵A tanglam hrin pawl cangan thiamtu le ca-tleng thiamtu pawl: Tirath mi, Shimeath mi le Sukath mi pawl cu Jabez khua ih ummi an si. (Anmah cu Ken mi an si ih Rekhab mi pawl thawn a ṭhi-aw tlangmi an si.)