Read Falam Chin 1 SANSIARNAK 20 Bible Online

1 SANSIARNAK 20 - Falam Chin bible

1 SANSIARNAK 20

¹Khua a hung ṭhal ih siangpahrang pawl an raldo caan a hung cuut tikah, Joab le a ralkap cu an feh ih Ammon ram an do. An khawpi Rabbah an kulh ṭheh. Culai ah David cu Jerusalem ah a um. Joab in Rabbah cu a do ih a siatsuah ṭheh.

²Cule Ammon mi in Molek an timi khawzing lem an nei ih a sui lukhuh cu cuai kul a rit. A sungah lungmankhung a um ih cumi cu David in a lak ih a siangpahrang lukhuh ah a bun. Khawpi sungih hransaw tampi tla a lak.

³Khawsung mi pawl cu a hruai hai ih hluah le tupheng le hreitlung thawn hna a ṭuanter. Ammon ram khua dangdang mi pawl tla cuvek thotho in a tuah. Cuih hnuah a ralkap pawl thawn Jerusalem ah an kir.

⁴Cuih hnuah, Filistin mi pawl thawn Gezer ah an do aw. Israel mi in an neh. Cuih ṭum ah Hushah mi Sibbekai in mikei tia a si mi Sippai an timi a that.

⁵Cule Filistin thawn an do-aw lala ih Jair fapa Elhanan in Gath mi Goliath ih unau Lahmi a that; a feihlung cu thiamtleeng tia a si.

⁶Gath ah an do-aw sal ih cuih khua ahcun a kut khatlam ah kutzung paruk veve, a ke khatlam ah kezung paruk veve a neimi a um. Amah cu khuahlan mitum zetzet pawl ih tesinfa a si.

⁷Israel mi pawl cu a dodal ih David ih unau Shammah ih fapa Jonathan in cupa cu a that.

⁸Hi minung pathum, David le a ralkap pawl ih an thahmi hi Gath khua ih mitum zetzet tefa pawl an si.