Read Falam Chin 1 SANSIARNAK 24 Bible Online

1 SANSIARNAK 24 - Falam Chin bible

1 SANSIARNAK 24

¹Aaron tesinfa pawl cu a tanglam vekin hnaṭuan an zem aw. Aaron in fapa pali a nei ih Nadab, Abihu, Eleazar le Ithamar an si.

²Nadab le Abihu cu an pa hlanah an thi ih faate tla an neih lo ruangah an unau Eleazar le Ithamar lawng puithiam an ṭuan.

³David in Aaron tesinfa pawl cu an hnaṭuanmi tikcu caan vekin a ṭhen. Hiti a ṭhen tikah David cu Eleazar ih tefa Zadok le Ithamar ih tefa Ahimelek in an bawm.

⁴Eleazar tesinfa pawl cu ṭhen hleiruk ah an ṭhen ih Ithamar tesinfa pawl cu ṭhen riat ah an ṭhen. Eleazar tesinfa lakah mipa, innsang ih lubik a si mi an tam deuh ruangah ṭhen tam deuh ih an ṭhennak cu a si.

⁵Eleazar le Ithamar tesinfa lakah Biakinn upa le thlarau lam hotu an um fingfing ruangah hnaṭuantu dingih an ṭhen tikah camcawhfung zuk in an ṭhen.

⁶Eleazar tesinfa le Ithamar tesinfa pawl in a haha in camcawhfung cu an zuk. Cutiih an tuah tikah Levi mi cazi Nethanel fapa Shemaiah in cabu sungah a khum. Cule siangpahrang bawipa, a kuthnuai bawi pawl, puithiam Zadok, Abiathar fapa Ahimelek, puithiam innsang ih lubik ciar le Levi mi innsang ih lubik ciar cu theihpitu an si.

⁷Pakhatnak Jehoiarib, Pahnihnak Jedaiah,

⁸Pathumnak Harim, Palinak Seorim,

⁹Panganak Malkhijah, Paruknak Mijamin,

¹⁰Pasarihnak Hakkoz, Pariatnak Abiah,

¹¹Pakuanak Jeshua, Pahranak Shekaniah,

¹²Hleikhatnak Eliashib, Hleihnihnak Jakim,

¹³Hleithumnak Huppah, Hleilinak Jeshebeab,

¹⁴Hleinganak Bilgah, Hleiruknak Immer,

¹⁵Hleisarihnak Hezir, Hleiriatnak Happizzez,

¹⁶Hleikuanak Pethahiah, Kulnak Jehezkel,

¹⁷Hluankhatnak Jakhin, Hluanhnihnak Gamul,

¹⁸Hluanthumnak Delaiah, Hluanlinak Maaziah.

¹⁹Himi pawl cu BAWIPA, Israel ih Pathian thupek vekin le an pupa Aaron ih daan rettami vekin, BAWIPA ih Biakinn hnaṭuantu dingah ṭhenmi an si.

²⁰Levi tesinfa pawl an hrinih lu ciar cu hihi an si: Shebuel hrin in Amram tesinfa Jehdeiah;

²¹Rehabiah tesinfa Isshiah;

²²Shelomith hrinah Izhar tesinfa Jahath;

²³Hebron hrinah a sangsang in Jeriah, Amariah, Jehaziel le Jekameam;

²⁴Mikah sungin Uzziel tesinfa Shamir;

²⁵Mikah unau Isshiah sungin Uzziel tesinfa Zekhariah;

²⁶Merari tesinfa pawl Mahli, Mushi le Jaaziah.

²⁷Jaaziah in fapa pathum a nei ih Shoham, Zakkur le Ibri an si.

²⁸Mahli in fapa pahnih Eleazar le Kish a nei. Eleazar cu fapa a nei lo;

²⁹Kish in fapa pakhat Jerahmeel a nei.

³⁰Mushi cun fapa pathum Mahli, Eder le Jerimoth a nei. Hi pawl cu Levi mi ih sungkhat pawl an si.

³¹An sungkhat, Aaron tesinfa puithiam pawl ih an rak tuah zo vekin an hnaṭuan dingmi hrilnakah an innsang ih lubik le a naule pawl lak ihsin mi pakhat in camcawhfung an zuk fingfing. Siangpahrang David, Zadok, Ahimelek, puithiam sungkhat ih lubik le Levi mi innsang ih lubik pawl cu a hmutu tetti an si.