Read Falam Chin 1 SANSIARNAK 25 Bible Online

1 SANSIARNAK 25 - Falam Chin bible

1 SANSIARNAK 25

¹David le Levi mi lakih hotu bawi pawl in a tanglam hrin pawl cu Pathian biaknak ih hotu dingah an hril: Asaf, Heman le Jeduthun. Annih cu ṭingṭang, tingrisit le darsumsel thawn Pathian ih thu, profet ṭong in, a phuangtu an si. Pathian biak tikah anmah ih hnaṭuannak ciarah a tanglam pawl cu hotu ah hrilmi an si.

²Asaf ih fapa pali cu: Zakkur, Josef, Nethaniah le Asarelah an si. An hotu Asaf a si ih siangpahrang in thu a pek tikah Pathian ih thu cu a phuang ṭheu.

³Jeduthun fapa paruk: Gedaliah, Zeri, Jeshaiah, Shimei, Hashabiah le Mattithiah an si. An pa ih ho in ṭingṭang tum phah in Pathian ih thu cu an phuang ih thangṭhatnak hla an sak.

⁴Heman fapa hleili pawl cu: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti Ezer, Joshbekashah, Mallothi, Hothir le Mahazioth an si.

⁵Heman cu siangpahrang ih profet a si ih, a rak tiamcia bangtuk in Heman cu Pathian in fapa hleili le fanu pathum thawn a sunloih.

⁶Biakinn ih Pathian an biak caanah an pa ih ho in darsumsel, ṭingṭang le tingrisit an zatein an tum ṭheu. Asaf, Jeduthun le Heman cu siangpahrang ih thupekmi ngai in an um.

⁷Hi mipa kul hluanli cu an tuahmi ciar ah an thiam theizet. An hnaṭuanpi Levi mi pawl tla hlasak thiam le awn-mawi tum thiam hlir an si. An zatein zahnih le sawmriat le pariat an si.

⁸An hnaṭuan dingmi hrilnakah mino siseh, upa siseh, hlathiam cia siseh, a zir pekte siseh, an zatein camcawhfung an zuk fingfing.

⁹Hi minung zahnih sawmriat pariat tla cu anmah le sungkhat ciar zoh in bur kul hluanli ah ṭhen an si ih, bur khatah minung hleihnih ciar an si. Bur khat in hotu pakhat ciar an nei ih a thuailam vekin a haha tein hna an ṭuan ṭheu: Pakhatnak cu Josef, Asaf hrin hotu, Pahnihnak Gedaliah,

¹⁰Pathumnak Zakkur,

¹¹Palinak Izri,

¹²Panganak Nethaniah,

¹³Paruknak Bukkiah,

¹⁴Pasarihnak Jesharelah,

¹⁵Pariatnak Isaiah,

¹⁶Pakuanak Mattaniah,

¹⁷Pahranak Shimei,

¹⁸Hleikhatnak Uziel,

¹⁹Hleihnihnak Hashabiah,

²⁰Hleithumnak Shubael,

²¹Hleilinak Mattithiah,

²²Hleinganak Jeremoth,

²³Hleiruknak Hananiah,

²⁴Hleisarihnak Joshbekashah,

²⁵Hleiriatnak Hanani,

²⁶Hleikuanak Mallothi,

²⁷Kulnak Eliathah,

²⁸Hluankhatnak Hothir,

²⁹Hluanhnihnak Giddalti,

³⁰Hluanthumnak Mahazioth,

³¹Hluanlinak Romamti Ezer.