Read Falam Chin 2 SANSIARNAK 27 Bible Online

2 SANSIARNAK 27 - Falam Chin bible

2 SANSIARNAK 27

¹Jotham cu kum kul hluannga a ti ah siangpahrang a cang ih Jerusalem ihsin kum hleiruk sung a uk. A nu cu Zadok fanu Jerushah a si.

²A pa vekin BAWIPA ih hmaiah thilṭha a tuah ih BAWIPA ih lung a awiter; asinain a pa vek cun Biakinn sungah lut tahratin thilsual a tuah lo. Misenpi pawl in sualnak thil ṭha lo an tuah ringring.

³Biakinn ih Saklam Kotka a saktu le Jerusalem khawsung Ofel veng an timi kiangih khawpi kulhnak ralhruang nasa zetih a saktu cu amah Jotham a si.

⁴Judah ram tlangpar ah khua tampi a din ih hramlak khalah raldo ṭannak le ralvennak innsanghlei pawl a sak.

⁵Ammon siangpahrang le a ralkap pawl a do ih a neh. Cule Ammon mi cu siah kumtinten kum thum sung a hnenih pe dingah thu a pek. A thupekmi vekin kumtin an pekmi siah cu ngun pawng thawng sarih le za nga,[9] sangvut haan thawng sawmnga le barli sangvut haan thawng sawmnga an si.

⁶BAWIPA a Pathian ih thu cu feltein a thlun ruangah Jotham cu siangpahrang cakzet ah a cang.

⁷Siangpahrang a can sungih thil a tuahmi, a raldonak le a thil tumtah mi dang pawl cu Israel le Judah siangpahrang Thuanthu Cabu sungah kimten an ngan a si.

⁸Jotham cu kum kul hluannga a ti in siangpahrang a cang ih Jerusalem in kum hleiruk sung a uk.

⁹A thi ih David khawpi ah an phum. Cule a fapa Ahaz in a ai ah siangpahrang a run ṭuan.