Read Falam Chin EZRA 10 Bible Online

EZRA 10 - Falam Chin bible

EZRA 10

¹Ezra cu ṭap phah le sual phuangin Biakinn hmai ih thla a cam rero laiah, Israel miburpi cu a hnenah mipa, nunau le nauhak tiangin an ra ih napi in an ṭap.

²Cule Elam hrin, Jehiel ih fapa Shekaniah in Ezra hnenah, “Miphun dang nunau kan ṭhi ih Pathian hmaiah zum tlak in kan um nawn lo. Sikhalsehla Israel hrangah ruahsannak a um lai.

³Atu ihsin hi nunau pawl le an faate pawl cu dawi dingin Pathian hnenah thu kan kam pei. Nangmah le Pathian thupekmi a upattu pawl ih sim vekin kan tuah ding. Pathian ih in pekmi Daan vekin kan thlun ding.

⁴Tho awla thok aw; himi cu nangmah ih ṭuanvo a si, kan lo bawm ding. Ralṭha zetin tuah aw,” a ti.

⁵Cutikah Ezra in Shekaniah ih simmi vekin tuah thluh dingah puithiam upa pawl, Levi mi pawl le senpi pawl cu siatcam in thu a kamter.

⁶Cuih hnuah Biakinn hmaiah cun a feh ih Eliashib ih fapa Jehohanan umnak inn ah cuih zan cu a riak. Saltaannak in a kirmi pawl ih sualnak thu ruatin riahsia ninghang in a um ih zianghman a ei a in lo.

⁷Cule saltaannak in a kirmi pawl hmuahhmuah Jerusalem ih rakhawm ṭheh dingin Jerusalem le Judah ramsung khuazakip ah thu an than.

⁸Cumi cu uktu pawl le misenpi hotu pawl ih thupek vekih an than mi a si. Zokhal sisehla ni thum sungih a ra suak lomi cu a thilri hmuahhmuah lon ṭheh a si dingih a ra kirmi pawl sungah telh a si nawn lo pei, an ti.

⁹Nithum sung, thla kua thla,[20] ni kul ni ah Judah le Benjamin ram sungih a ummi hmuahhmuah cu Jerusalem ah an ra ih Biakinn tualah an khawm aw. Nasa zetin ruah a sur. Cutiih ni khua a siat ruangah le an tonkhawmnak a thupit ruangah mi hmuahhmuah an khur ṭheh.

¹⁰Cutikah puithiam Ezra cu a tho ih an hnenah, “Miphun dang nunau nupi ah nan ṭhi ih Israel sualnak cu nan luarter sinsin.

¹¹Atu-ah nan pupa ih Pathian, BAWIPA hnenah nan sualnak cu phuang uhla Amai’ lungawinak tuah uh. Kan ram sungih um miphun dang pawl thawn rawi loin hlimphir in um uhla miphun dang nan nupi pawl cu dawi thluh uh,” a ti.

¹²Senpi pawl cu an au ih, “Na simmi hmuahhmuah kan tuah ding.

¹³Asinain minung kan tam tuk; ruah le napi in a sur fawn. Khawlengah hiti cun kan ding thei cawk lo ding. Hi sualnak ahhin zozo khal kan tel thluh ruangah ni khat ni hnih sungih ṭheh theih dingmi a si lo.

¹⁴Kan hotu upa pawl in kan zate ai-ah hi thu cu tawlrel hai seh. Kan khua ciar in miphun dang nupi a neitu hmuahhmuah cu an tinmi tikcu ah an khua sungih hotu le thuṭhentu pawl thawn ra suak hai seh. Cuticun hi sualnak ruangah kan parih Pathian thinhengnak cu a dem ding,” an ti.

¹⁵Cutiih an timi a eltu cu Asahel fapa Jonathan le Tikvah ih fapa Jahzeiah lawng an si; annih pahnih hnenah Meshullam le Levi mi Shabbethai tla an ṭang ve.

¹⁶Saltaannak ihsin a kirmi pawl an lung a kim ruangah puithiam Ezra in an hrin ciarih hotu pawl sungin mi a hril ih an hmin an ngan ṭheh. Cule an hnaṭuan cu thla hra thla,[21] ni khat ni in an thok ih,

¹⁷thla thum sungah miphun dang nupi a neitu pawl ih thu cu an zingzoi ṭheh a si.

¹⁸Miphun dang nupi neitu pawl cu a tanglam vekin an si. Puithiam pawl an hrin ciar in: Jehozadak fapa Joshua hrin le a unau pawl: Maaseiah, Eliezer, Jarib le Gedaliah.

¹⁹An nupi pawl dawi dingah thu an kam-aw ih sualthlah thawinak hrangah tuucang pakhat an pe.

²⁰Immer hrin in: Hanani le Zebadiah.

²¹Harim hrin in: Maaseiah, Elijah, Shemaiah, Jehiel le Uzziah.

²²Pashur hrin in: Elioenai, Maaseiah, Ishmael, Nethanel, Jozabad le Elasah.

²³Levi mi pawl sungin: Jozabad, Shimei, Kelaiah (Kelita ti tla in an ko) Pethahiah, Judah le Eliezer.

²⁴Hla saktu pawl sung ihsin Eliashib. Biakinn kiltu pawl ihsin Shallum, Telem le Uri.

²⁵Mi dangdang: Parosh hrin in: Ramiah, Izziah, Malkhijah, Mijamin, Eleazar, Malkhijah le Benaiah.

²⁶Elam hrin in: Mattaniah, Zekhariah, Jehiel, Abdi, Jeremoth le Elijah.

²⁷Zattu hrin in: Elioenai, Eliashib, Mattaniah, Jeremoth, Zabad le Aziza.

²⁸Bebai hrin in: Jehohanan, Hananiah, Zabbai le Athlai.

²⁹Bani hrin in: Meshullam, Malluk, Adaiah, Jashub, Sheal, le Jeremoth.

³⁰Pahath Moab hrin in: Adna, Khelal, Benaiah, Maaseiah, Mattaniah, Bezalel, Binnui le Manasseh.

³¹Harim hrin in: Eliezer, Isshijah, Malkhijah, Shemaiah, Shimeon, Benjamin, Malluk le Shemariah.

³³Hashum hrin in: Mattenai, Mattatiah, Zabad, Elifelet, Jeremai, Manasseh, le Shimei.

³⁴Bani hrin in: Maadai, Amram, Uel, Benaiah, Bedeiah, Kheluhi, Vani ah, Meremoth, Eliashib, Mattaniah, Mattenai le Jaasu.

³⁸Binnui hrin in: Shimei, Shelemiah, Nathan, Adaiah, Maknadebai, Shashai, Sharai, Azarel, Shelemiah, Shemariah, Shallum, Amariah le Josef.

⁴³Nebo hrin in: Jeiel, Mattithiah, Zabad, Zebina, Jaddai, Joel, le Benaiah.

⁴⁴Hi pawl cu miphun dang nupi neitu an si. An nupi pawl an ṭhen ih an faate pawl thawn an dawi hai a si.