Read Falam Chin EZRA 2 Bible Online

EZRA 2 - Falam Chin bible

EZRA 2

¹Babilon ramih saltaang mitampi cu Jerusalem le Judah ram an khua ciarih kir dingah Babilon ihsin an suak. Siangpahrang Nebuchadnezzar in sal ih a kaih caan ihsin innsang tampi cu Babilon ramah an rak um ringring.

²A kirmi pawl hotu cu Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah an si. Babilon ihsin a kirmi Israel hrin pawl cu an minung zat ciar thawn a tanglam bangtuk in an si:

³Parosh hrin ihsin 2,172 Shefatiah hrin ihsin 372 Arah hrin ihsin 775 Pahath Moab (Jeshua le Joab tefa sin hrin ihsin) 2,812 Elam hrin ihsin 1,254 Zattu hrin ihsin 945 Zakkai hrin ihsin 760 Bani hrin ihsin 642 Bebai hrin ihsin 623 Azgad hrin ihsin 1,222 Adonikam hrin ihsin 666 Bigvai hrin ihsin 2,056 Adin hrin ihsin 454 Ater (Hezekiah) hrin ihsin 98 Bezai hrin ihsin 323 Jorah hrin ihsin 112 Hashum hrin ihsin 223 Sibbar hrin ihsin 95

²¹A tanglam khua ih a rak ummi pawl ih tesinfa pawl tla a kir mi lakah an tel: Bethlehem khuami tesinfa 123 Natofah khuami tesinfa 56 Anathoth khuami tesinfa 128 Azmaveth khuami tesinfa 42 Jearim, Khefirah le Beeroth khua mi tesinfa 743 Ramath le Geba khuami tesinfa 621 Mikmas khuami tesinfa 122 Bethel le Ai khuami tesinfa 223 Nebo khuami tesinfa 52 Magbish khuami tesinfa 156 A dang Elam khuami tesinfa 1,254 Harim khuami tesinfa 320 Lod, Hadid le Ono khuami tesinfa 725 Jerikho khuami tesinfa 345 Seenah khuami tesinfa 3,630

³⁶Puithiam hrin pawl a kirmi cu a tanglam vekin an si: Jedaiah hrin in (Jeshua tesinfa pawl) 973 Immer hrin in 1,052 Pashhur hrin in 1,247 Harim hrin in 1,017

⁴⁰Levi mi a kirmi pawl cu a tanglam vekin an si: Jeshua le Kadmiel (Hodaviah tesinfa) hrin in 74

⁴¹Biakinn hla satu (Asaf tesinfa) pawl 128

⁴²Biakinn kotka kiltu (Shallum, Ater, Talmon, Akkub, Hatita le Shobai tesinfa) pawl 139

⁴³A kirmi lakah a tanglam ih Biakinn satu pawl cu an innsang ciar thawn an tel: Ziha, Hasufa, Tabbaoth, Keros, Siaha, Padon, Lebanah, Hagabah, Akkub, Hagad, Shamlai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Asnah, Meunim, Nefisim, Bakbuk, Hakufa, Harhur, Bazluth, Meida, Harsha, Barkos, Sisera, Temah, Neziah le Hatifa.

⁵⁵Solomon hnen-um pawl an innsang ciar thawn a kirmi pawl cu a tanglam hi an si: Sotai, Hassofereth, Peruda, Jaalah, Darkon, Giddel, Shefatiah, Hattil, Pokhereth, Hazzebaim le Ami.

⁵⁸biakinn saktu pawl ih tesinfa pawl le Solomon hnen-um pawl ih tesinfa pawl a kirmi an zatein 392 an si.

⁵⁹Tel Melah, Tel Harsha, Kherub, Addan le Immer khua ihsin Delaiah hrin, Tobiah hrin le Nekoda hrin pawl, an zatein 652 a kirmi lakah an tel. Asinain Israel pawl ih tesinfa an sinak fiangtein an simsuak thei lo.

⁶¹Puithiam Habaiah hrin, Hakkoz hrin le Barzillai hrin pawl tla in an pupa ih thawhkehnak canganmi an hmu lo. Barzillai hrin ih an pu in Gilead ram Barzillai hrin nunau a rak ṭhit ih a puzon ih hmin a rak lakta ruangah Barzillai hrin ti an si. An pupa zo an si ti an theih lo ruangah annih pawl cu puithiam ah an pom thei lo a si.

⁶³Judah mi uktu bawi in, Urim le Thummim[2] timi a hmang thiamtu puithiam an um hlan cu Pathian hnenih pekmi rawl thianghlim ei lo dingin a kham a si.

⁶⁴Babilon saltaannak ihsin a kirmi an zatein thawng sawmli thawng hnih zathum le sawmruk an si. Nunau siseh, mipa siseh an hnen-um zatein thawng sarih zathum sawmthum pasarih an si. Hla saktu nunau siseh, mipa siseh an zatein zahnih an si. Cule an kirpi mi rannung ah rang zasarih sawmthum paruk, laak zahnih sawmli panga, kalauk zali sawmthum panga le thilphur laak thawngruk zasarih le kul an si.

⁶⁸Saltaang pawl cu Jerusalem khua BAWIPA ih Biakinn an thlen tikah an sungkhat ih hotu hrekkhat pawl in lungtho teih pekmi thilri an pek ih Biakinn cu a hlanih a dinnak hmunah sak sal an tum.

⁶⁹Biakinn saknak hrangah cun an pek theizat an pek ih an pekmi pawl cu sui cuai zahnih le cuai sawmruk, ngun cuai thawngkhat zariat le sawmthum, le puithiam pawl hrangah korfual zakhat a si.

⁷⁰Cule puithiam le Levi mi pawl le misenpi hrekkhat pawl cu Jerusalem khua le a kiangkap ah an um ih hla satu pawl le Biakinn kiltu pawl le Biakinn hnaṭuantu pawl cu Jerusalem kiang khawte sungah an um. Israel midang pawl cu an pu le an pa ih khua ciarah an um.