Read Falam Chin JOB 22 Bible Online

JOB 22 - Falam Chin bible

JOB 22

¹Ziangvek milai, mifim bik khal sisehla, Pathian hrang ih mi ṭhahnem an um ngai ding maw?

³Thildik na tuahmi cu Pathian hrangah a sawtnak a um maw? Asilole na ṭhatnak in Pathian ziangtal a bawm maw?

⁴Nun a lo zirh ih hniksak na ton hi Pathian na ṭihzah ruangah a si lo.

⁵Na ṭhatlonak a nasat ruangah le Na sualnak a tamtuk ruangah a si sawn.

⁶Na unau in tangka an lo baakmi kuanter dingah thuhrennak na lak; A hnipuan cu na long ṭheh ih hruk ding dang zianghman nei loin na ret.

⁷Thabaang ih tihal mi pawl hnenah tidai na pe lo ih, Rilrawng mi pawl hnenah rawl na pe duh fawn lo.

⁸Huham na neihnak le mi upa na sinak cu, Ram pumpi luah thluhnak ding lawngah na hmang.

⁹Nuhmei pawl na bawm duh lo lawng si loin Ngakṭah farah pawl an thil na long ih na siatsuah hai.

¹⁰Curuangah na kiangkapah a lo awktu ding thang tampi an um; Rinlopi in ṭihphannak in na khat;

¹¹Thimnak a sah tuk ih zianghman na hmu thei lo; Tilik in a lo khuh a si.

¹²Vancung saangbikah Pathian a um; Arsi pawl cu an saang ve naón, Pathian in a run zohsuk hai a si lo maw?

¹³Asinain nang in, “Pathian cun ziangso a theih ding? Mero in a phen a sisi! Ziangtin so ka thu a ṭhen thei ding?” tiah na ti.

¹⁴Vankuumpi parah Pathian lam a len tikah,[10] Mero sahzet in a phen ih i hmu lo ding, tiah na ruat!

¹⁵Mi ṭha lo pawl ih an thlun ringring mi lamzin hlun cu, Thlun dingah na duh thotho maw si?

¹⁶Mi ṭha lo pawl cu an tikcu a kim hlanah tilik in a fen hai; Hrihram an neihmi hmuahhmuah thawn a fenhlo thluh hai a si.

¹⁷Himi pawl cu Pathian a eltu le Kan parah zianghman a tuah thei lo ding, tiih a ruattu an si.

¹⁸Asinain anmah a liantertu cu Pathian Amah thotho a si; Mi ṭha lo pawl ih ruahnak cu ka ngaih lo zawng hrimhrim a si.

¹⁹Mi ṭha lo pawl hremnak an tuar tikah cun, Mi ṭha pawl an lung a awi ih mawh nei lo pawl an hni.

²⁰Mi ṭha lo pawl ih thil neihmi hmuahhmuah cu a cem, A taangsun cu meisa in a kaang ṭheh.

²¹Curuangah Job, Pathian thawn rem aw uh, Amah cu na ral ah ruat nawn hlah, Cutin asile a lo thlawsuah ding.

²²A thuzirh mi cu pom awla, A ṭong cu na lung sungah ret aw.

²³A si, tangdornak thinlung thawn Ziangkimtithei hnenah kir awla, Na inn sungih thil ṭha lo hmuah cu a hlapi ah hlon aw; Cutin a lo hlawhtlingter sal ding.

²⁴Na sui hlawnthil hlon ṭheh aw; Ofir ihsin na sui ṭha bik khal tikua lungto bangin hlon ṭheh aw.

²⁵Ziangkimtithei Pathian cu na sui a si ding ih, Amah cu hril hleice mi ngun bangtuk na hrangah a si ding.

²⁶Cutiin Pathian cu na lungawinak a si ringring ding ih, Mithmai ṭha thawn Amah lam thinnuam in na hoi ding.

²⁷Thla na cam tikah a lo let ding; Na tiamkammi pawl cu feltein na kimter ding.

²⁸Na thu relcatmi hmuahhmuah tuahsuak an si ding ih, Na fehnak lamzin a tleu ding.

²⁹Pathian in mi puarthau pawl a ṭhum ih, Mi tangih a dor pawl a hum a si.

³⁰Na tuah mi a thiang ih mawhnak neilo na si ahcun Amah in a lo run ding.