Read Falam Chin JOB 23 Bible Online

JOB 23 - Falam Chin bible

JOB 23

¹Pathian parih ka phunzainak cu a besia deuhdeuh, Ka hrumraknak khal a zual sinsin, Ka parih a kut a rih tuk ruangah.

³A fehnak lamzin thei ningla, A umnak hmun khal thei ningla, ka va duh so!

⁴A hnenah ka thu ka thlenter ding; Ka thu cu famkim zetin ka sim ding.

⁵Ka hnenih a ṭong dingmi le I son dingzia tla theih ka duhzet.

⁶A huham neih zat in Pathian in i do pei maw? Do hlah e, ka ṭong mi ṭhatein a ngai sawn ding.

⁷Ka fel a si, Pathian thawn thu kan rel tlang ding; Mawhnak na nei lo, tiah kumkhua daih in i ti ding.

⁸Nisuahnak lamah ka hawl zo, Cunah Pathian a um lo. Nitlaknak lamih ka hawl khalle a um thotho lo.

⁹Pathian cu saklam le thlanglam ah hna a ṭuan; Asinain ka hmu thei cuang lo.

¹⁰Pathian in ka kekar kar khat tiangin a hmu, I hniksak asile sui vekih ka thian kha a thei ding.

¹¹Ka hrangih a hrilmi lamzin cu feltein ka thlun; Vorhlam ah siseh, kehlam ah siseh, ka pial hrimhrim lo.

¹²A hmurka ihsin a suakmi thupekmi cu pialsan loin ka tuah ringring; Ka duhmi si loin amah ih duhmi ka thlun ringring.

¹³Pathian cu a thleng aw dah lo; Zohman in an dodal thei lo ding ih, A tuah duhmi cu zohman in an kham thei lo ding.

¹⁴Ka hrangih tumtahnak a neih mi pawl a kimter ding, Cuih tumtahnak tlunah tumtahnak dang tampi a nei.

¹⁵A hmaiah ṭihphang in ka khur, Cumi ka ruah tikah cun ka ṭih.

¹⁶Ziangkimtithei Pathian in ralṭhatnak ka neih mi hmuahhmuah a hlohralter ṭheh; Thimnak in ka mit cawtter hmansehla, I ṭihtertu ngaingai cu thimnak a si lo, Pathian Amah a si.