Read Falam Chin JOB 26 Bible Online

JOB 26 - Falam Chin bible

JOB 26

¹Ka hrangah ziangtluk bawmtu ṭha so na si! Mifarah, miṭawnṭai kei hi!

³Ruahnak ṭhazet mi na pe thei, Kei vek mi aa na fimnak na hlawm duh hi!

⁴Hizat na ṭong hi zo in so ngai cawkseh na ti? Hi vek ṭong dingah zoso a lo fial? [Bildad][12]

⁵Mithi pawl ih thlarau cu an khur, Leilung thuai ih tidai sungah.

⁶Mithi khua Sheol cu Pathian hmai ah a lang ṭheh; Hlohralnak hmun cu phentu ziang hman a nei lo.

⁷Pathian in saklam van cu a pharh; Van thlahawmpi sungah leilung cu a thlai.

⁸Mero sungah tidai a ret; Tidai a rit zet naón a pah lo, Pathian in a kham.

⁹Thlapi cu mero phen ah a thup; A hmai hmuahhmuah a khuhter ṭheh.

¹⁰Tipithuanthum parah rikhaam a riin ih Cutiin tleunak cu thimnak in a ṭhen.

¹¹Van hun dotu ṭhuam pawl an hnin, A hro hai tikah an thin a phang ih ṭihnak thawn an khur ciamco.

¹²A thazaang cakin tifinriat a neh; A thiamnak in rulhreng Rahab a that.

¹³A thaw thawt in van a faiter ih, A kut in rulpi a tlanmi cu a that.

¹⁴Asinain hi pawl cu a cahnak zimte lawng an si; Kan theih mi hi cu a thlizil fang a si; Pathian a maksakzia taktak cu zoso a thei thei ding?