Read Falam Chin JOB 27 Bible Online

JOB 27 - Falam Chin bible

JOB 27

¹Ziangkimtithei Pathian, ding thluk lairelnak i coter lotu le, Ninghang in i tuahtu a nungmi Pathian hmin saal in thu ka kam:

³Pathian in nunnak thaw i pekmi ka neih sungah cun, Pathian ih i pekmi ka hnar ih ka thawt sungah cun,

⁴Ka hmur in ṭongsia a suak lo ding ih, Ka lei in thuphan a per lo ding.

⁵Nannih nan dik tiah ka ti dah lo ding; Mawhnak ka nei lo tiah ka thih ni tiangin ka ṭang ding.

⁶Thudik ih ka dinnak cu ka thlah thei dah lo ding; Ka lung a thiang; ka thinlung in ‘Ka mawh ngai’ a ti dah lo ding.

⁷Keimah i raltu le i dotu pawl cu Mi ṭha lo le miding lo vekin hrem si hai seh.

⁸Pathian a thei lotu pawl in ziang ruahsannak so an neih ding, Pathian in an nunnak a cemter tikcu caan ahcun?

⁹Harsatnak an ton ih an au tikah, Pathian in an aunak a thei ding maw?

¹⁰Ziangkimtithei Pathian ah an lung a awi pei maw? A hnenah thla an cam ringring ngai pei maw?

¹¹Pathian huham a makzia cu ka lo sim hai ding; Ziangkimtithei Pathian ih tumtah mi cu ka lo theihter hai ding.

¹²Sikhalsehla nanmah rori in nan hmu fingfing zo; Curuangah ziangah so hivek thulolak nan ṭong rero? [Zofar][13]

¹³Ziangkimtithei Pathian in mi ṭha lo, thisen suah ṭih lo pawl A hrem haizia cu hivek in a si:

¹⁴Fapa tampi an neih hmanah ralah an thi ṭheh ding; An faate pawl in rawl khopkham ei ding an nei dah lo ding.

¹⁵A nungsun hnihkhat cu natnak in an thi thotho ding, An nupi pawl hman in an ṭah hai lo ding.

¹⁶Mi ṭha lo pawl in ngun siar cawk lo an nei ding; Hnipuan tla vuun liailiai in, an ṭulmi hnakih tam an nei ding.

¹⁷Sikhalsehla miṭha hrekkhat in cuih hnipuan cu an hruk ding, Mifel hrekkhat in an ngun cu an co ding.

¹⁸Mi ṭha lo pawl ih sakmi inn cu a hnget lo; Maimom innraang vek le, lo kiltu sal pawl ih sakmi deute vek a si.

¹⁹Caan khat sung cu lian zetin an it ding ih, An hung ṭhang tikah an lennak cu A rak cem ṭheh ti an hmu ding.

²⁰Rinlo tilik vekin tuksumnak in a tlak ding; Zan thli hrang in a semhlo ding.

²¹Nisuahnak lam thlisia in an inn ihsin a semhlo hai ding.

²²Luat an tum rero lai hmanah, Zaangfah nei loin a nuai hai ding.

²³An tlan phah ah thlisia cun a hran vivo ih, ṭihnung zetin a nuai hai a si.