Read Falam Chin JOB 36 Bible Online

JOB 36 - Falam Chin bible

JOB 36

¹Elihu in a thu hiti in a zom sal:

²Pathian ai-awh in ka ṭongmi hi Thinsau in rei deuh ngai hrih aw.

³I Siamtu Pathian hi a ding a si ti langternak ah, Ka thutheihnak a kim nasami hi ka theih tawkin ka hmang ding.

⁴Na hnenih ka ṭongmi hi a dik lomi a um lo; Na hmaiah mifim taktak cu a um ih na hmu a si.

⁵Pathian cu a maksak ngaingai ih hmuhsuam mi a nei lo; Theih lomi khal a nei lo.

⁶Misual pawl cu a zuah lo; Mifarah pawl thu cu dingtein a relsak a si.

⁷Miding pawl cu a hum; Siangpahrang vekin mi uktu ah a tuah ih, Kumkhua in sunlawi upatnak a coter.

⁸Sikhalsehla milai in anmah ih thil tuahnak ruangah, Zonzaihnak an tuar ih cikcin ih ṭemṭawnnak an ton ahcun,

⁹Pathian in an sualnak le an puarthaunak an hnenah a langter.

¹⁰Ṭhatlonak ihsin kir sal dingah an hna a ongter ih ralrinnak thu a sim.

¹¹Pathian thu an thlun ih amah an rian a si ahcun, An nundam sungah hnangamnak le neihnunnak an dong a si.

¹²Pathian thu an thlun lo ahcun ralnam in a siatsuah hai ding ih, Zianghman thei loin an thi ding.

¹³Pathian thei lo pawl cu an thin a ṭeu ringring; Harsatnak an ton hmanah bomnak dil in thla an cam lo.

¹⁴An san ṭhat laiah an thi ih An nunnak cu ningzahnak in a cem.

¹⁵Sikhalsehla Pathian in minung cu an harsat tuarnak sungin a run ih, Harsatnak cu an mit vangtertu ah a vanter a si.

¹⁶Pathian in harsatnak sungin a lo suah ih, Himnak sungah nuamzetin a lo ret; Na cabuai cu eiding rawl in a khat.

¹⁷Asinain atu-ah miṭha lo pawl ih an tuar ṭheumi hremnak na tuar; Na sualnak thawn mil-aw in na tuar a si.

¹⁸Ralring aw! Nawhthuh ei-nak in lo bum hlah seh, Lennak in lo hruaisual hlah seh.

¹⁹Bomnak duh ah na au rero khalle a ṭhahnem lo ding, Thazaang na neih mi hmuahhmuah in a lo bawm thei lo ding.

²⁰Zan a ra thlen dingmi cu hngakhlap duh hlah; Miphun tampi an hlohralnak tikcu a si.

²¹A ṭha lomi lamah feh hlah; Culam hoi lo dingin a lo khamtu dingah harsat tuarnak tontermi na si.

²²Pathian ih huham a tumzia cu cing ringring aw; Pathian cu zirhtu saya ṭha bik a si.

²³Zohman in Pathian cu hnaṭuan an fial thei lo ding, Thilsual tuah tla an puh thei lo ding.

²⁴Pathian cu a thil tuahmi ruangah an thangṭhat ringring; Nannih khal in amah cu nan thangṭhat ve pei.

²⁵A thil tuahmi hmuahhmuah cu zokhal in an hmu zo, Asinain lamhlapi lawngin kan cuan thei a si.

²⁶Pathian ih maksakzia cu kan thei kim dah lo; Pathian ih kum khal siarcawk rual a si lo.

²⁷Leilung ih tidai la tahrat in Vanruah ih a sur tertu cu Pathian a si.

²⁸Thlaici cingtu milai hmuahhmuah hrangah Pathian in, Khawdur ihsin ruah a surter a si.

²⁹Pathian umnak vanah ziangvekin khawdur a feh tile, Ziangtin khua a ri durdo ti zohman in an thei lo.

³⁰Amah in vanrang deng tiang nimthla a kauter, Asinain tifinriat ih tawdeng cu a thim thotho.

³¹Cutiin amah in ruah a surter ih milai a cawm hai; An ei ding rawl tampi a pek.

³²Nimthlakau a kut in a huam ih, A hmuitin ngah dingin ṭektla cu thu a pek.

³³Thlisia a rat ding kha khawri in a than; Cawrual khal in a rat ding cu an thei.